छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : महापालिका निवडणुकीसाठी निवडणूक आयोगाने अंतिम केलेल्या प्रभाग रचना आराखड्यावर महाविकास आघाडी समाधानी नाही. महायुतीच्या उमेदवारांना लाभ होईल अशी रचना कायम ठेवल्याचा आरोप ठाकरे गट आणि काँग्रेसने केला आहे, तर महायुती मात्र आराखड्यावर समाधानी असून, रचना पाहण्यापेक्षा आम्ही लढण्याचा लक्ष्य केंद्रीत करतो, असा टोला शिंदे गट, भाजपने लगावला आहे.
महापालिका निवडणुकीसाठी निवडणूक आयोगात जोमाने कामाला लागले आहे. प्रारूप प्रभाग रचनेच्या आराखड्यावर ५५२ आक्षेप आले होते. त्यावर गेल्या महिन्यात सुनावणी घेण्यात आली होती. प्रभागरचना किरकोळ बदलांसह अंतिम करण्यात आली आहे. अंतिम प्रभाग रचनेचे गॅझेट प्रसिद्ध केले आहे. आता या आराखड्यावरून महाविकास आघाडी आणि महायुती यांच्यात निवडणुकीआधीच संघर्ष पेटला आहे. अंतिम केलेल्या आराखड्यात खूप मोठे बदल केलेले नाहीत. महायुतीच्या उमेदवांना फायदा होईल अशीच रचना कायम ठेवली आहे, असा आरोप ठाकरे गटाचे महानगरप्रमुख राजू वैद्य आणि काँग्रेसचे शहराध्यक्ष शेख युसूफ यांनी केलाप आहे.
अंतिम आराखड्यातील काही बदल जाणून घ्या...-प्रभाग क्रमांक २ मध्ये भारत मातानगर एन-१२, छत्रपतीनगर, एन-२, सारा वैभव, महमूदपुरा, फरहतनगर, एन-१३ भागशः समावेश.
-प्रभाग क्र. ३ मध्ये गणेश कॉलनी भागशः, एन-१२ चाऊस कॉलनी, हिमायत बागचा समावेश.
-प्रभाग क्र. ८ मध्ये मारुतीनगर, भवानीनगर, नारेगाव भागशः समावेश.
-प्रभाग क्र. ९ मध्ये चिकलठाणा भागशः, सावित्रीनगर, पटेलनगर, वसंतनगर अंशतः, मिसारवाडी भागशः वाढविला.
-प्रभाग क्र. १० मध्ये ५ अष्टविनायकनगर, मायवर्ल्ड सावरकरनगर, आदी भागांचा समावेश केला आहे.
