Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : छत्रपती संभाजीनगर महापालिका निवडणुकीचे वातावरण राजकीय नेत्यांच्या आरोप-प्रत्यारोपाने तापले आहे. त्यातच आज, ७ जानेवारीला सकाळी एक खळबळजनक घटना समोर आली असून, राष्ट्रवादी काँग्रेस अजित पवार गटाचे उमेदवार डॉ. मयूर सोनवणे यांचे प्रचार कार्यालय एकाने पहाटे साडेचारच्या सुमारास पेटवून दिले. त्यावेळी कार्यालयात १० ते १२ कार्यकर्ते झोपलेले होते.
आग लागल्याची बाब शेजारील नागरिकांच्या लक्षात आली. नळावर पाणी भरत असताना आग लागल्याचे पाहून त्यांनी आरडओरड सुरू केली. तत्परतेने आग विझविण्यासाठी नागरिकांनी पुढाकार घेतला. त्यामुळे अनर्थ टळला. या घटनेनंतर उमेदवार डॉ. मयूर सोनवणे यांनी जिन्सी पोलीस ठाण्यात धाव घेऊन तक्रार दिली आहे. कुणावरही वैयक्तिक टीका न करता आम्ही प्रचार करत असताना आम्हाला घाबरविण्यासाठी हा प्रयत्न झाला असावा, असे डॉ. सोनवणे पत्रकारांशी बोलताना म्हणाले. जिल्हाध्यक्ष अभिजीत देशमुख यांनीही या घटनेचा निषेध केला आहे.
.jpg)
.jpeg)
