Business News : एकेकाळी ग्लॅमरस मानले जायचे... सिगारेट उद्योग प्राणघातक कसा घोषित झाला?

६० आणि ७० च्या दशकात सिगारेट ओढणे हे केवळ व्यसन नव्हते, तर ते ग्लॅमरचे प्रतीक होती. पण जसजशी समाजाला धूम्रपानाच्या धोक्यांची जाणीव झाली तसतसे चित्रपटांमध्ये त्याकडे पाहण्याचा दृष्टिकोनही बदलला. आता अशी वेळ आली आहे, की चित्रपटांपूर्वी धूम्रपानामुळे होणाऱ्या कर्करोगाबद्दलचे इशारे दिसू लागले आहेत. सिगारेटच्या पाकिटांवरही इशारे छापलेले असतात.

सिगारेट ग्लॅमरस ते प्राणघातक...
११ जानेवारी १९६४ रोजी अमेरिकेचे डॉ. लूथर टेरी यांनी तंबाखूचा कर्करोगाशी संबंध जोडणारा अहवाल प्रसिद्ध केला. सुमारे ७,००० वैज्ञानिक लेखांचे पुनरावलोकन केल्यानंतर, अहवालात प्रथमच अधिकृतपणे मान्य करण्यात आले की धूम्रपान हे फुफ्फुसांच्या कर्करोगाचे मुख्य कारण आहे. त्यानंतरच सिगारेटच्या पाकिटांवर चेतावणी अनिवार्य करण्यात आली आणि दूरदर्शन जाहिरातींवर बंदी घालण्यात आली. यामुळे तंबाखूला त्याच्या "ग्लॅमरस’ प्रतिमेतून काढून टाकण्यात आले आणि ते "घातक’ घोषित करण्यात आले.

७० लाख कोटी रुपयांचा उद्योग
जागतिक सिगारेट उद्योग अंदाजे ७७० अब्ज डॉलर (अंदाजे ७० लाख कोटी रुपये) किमतीचा असल्याचा अंदाज आहे. हा उद्योग दरवर्षी २.२५ टक्के दराने वाढत आहे. २०३१ पर्यंत, हा उद्योग अंदाजे ८२१ अब्ज डॉलर्सचा असण्याची अपेक्षा आहे. भारतात, हा उद्योग २९.२ अब्ज डॉलर्स (अंदाजे रु. २.६४ लाख कोटी) असण्याचा अंदाज आहे. २०३४ पर्यंत हा उद्योग ६६ अब्ज डॉलर्सपेक्षा जास्त असू शकतो.

सिगारेट ओढण्याबद्दल किती दंड?
भारतात सिगारेट ओढण्याबद्दल दंड आहे. घरी सिगारेट ओढल्यास दंड भरावा लागेल असे नाही. सार्वजनिक ठिकाणी बिडी किंवा सिगारेट ओढणे हा दंडनीय गुन्हा मानला जातो. उल्लंघन करणाऱ्यांना किमान २०० रुपये दंड होऊ शकतो, जो ५०० रुपयांपर्यंत वाढवता येतो. जर एखाद्या व्यक्तीने दंड भरला नाही तर त्यांच्याविरुद्ध न्यायालयात खटला दाखल करता येतो.