नासामध्ये इंटर्नशिपची संधी, इंटर्नला कोणत्या अटींवर नोकरी मिळेल, स्टायपेंड किती असेल?

अमेरिकेची अंतराळ संस्था NASA च्या ऑफीस ऑफ STEM एंगेजमेंट (OSTEM) ने हायस्कूल आणि कॉलेजच्या विद्यार्थ्यांना सशुल्क इंटर्नशिपच्या संधी देऊ केली आहे. या इंटर्नशिपमुळे विद्यार्थ्यांना विज्ञान, तंत्रज्ञान, अभियांत्रिकी आणि गणित (STEM) आणि इतर गैर-अभियांत्रिकी क्षेत्रात काम करण्याचा अनुभव मिळेल. इंटर्नशिप करणारे विद्यार्थी देखील नासाच्या मोहिमेत योगदान देऊ शकतील. या इंटर्नशिपची सर्वात चांगली गोष्ट म्हणजे विद्यार्थ्यांना यामध्ये पैसे देखील दिले जातील.

उन्हाळी सत्रासाठी इंटर्नशिप अर्ज करण्याची शेवटची तारीख २८ फेब्रुवारी २०२५ आहे, तर शरद ऋतूतील सत्रासाठी अर्ज १६ मे २०२५ पर्यंत करता येतील. महाविद्यालयीन विद्यार्थ्यांना उन्हाळी सत्राच्या इंटर्नशिपसाठी $9,000 (अंदाजे रु. 7.81 लाख) दिले जातात, तर हायस्कूलच्या विद्यार्थ्यांना $2,400 (अंदाजे रु. 2 लाख) दिले जातात. येथे हे लक्षात घेण्यासारखे आहे की शरद ऋतूतील सत्रात इंटर्नशिप करण्यासाठी $१४,४०० (१२.५ लाख रुपये) दिले जातील.

नासाची इंटर्नशिप किती काळाची आहे?
इंटर्नशिप दहा आठवड्यांसाठी पूर्णवेळ असेल. ही इंटर्नशिप कोणत्याही नासा सेंटरमध्ये किंवा घरूनही करता येते. विद्यार्थ्यांना संशोधन शास्त्रज्ञ, अभियंते आणि इतर व्यावसायिकांसोबत काम करण्याची संधी मिळेल. यामुळे त्यांना केवळ व्यावहारिक अनुभव मिळवण्याची संधी मिळेलच. शिवाय ते महत्त्वाच्या प्रकल्पांमध्ये योगदान देऊ शकतील. या इंटर्नशिप प्रोग्रामचा भाग बनणाऱ्या विद्यार्थ्यांचा रिज्युमदेखील मजबूत होईल आणि ते चांगल्या करिअरसाठी तयारी करू शकतील.