९५ वर्षीय दगडू राऊत यांच्या काकडा आरतीने जागे व्हायचे वडोद बाजार, आता कानी पडणार नाहीत सूर, देवाच्या दारातच देवाज्ञा!; अवघे गाव हळहळले!!

By City News Desk

On 21 Nov 2025

९५ वर्षीय दगडू राऊत यांच्या काकडा आरतीने जागे व्हायचे वडोद बाजार, आता कानी पडणार नाहीत सूर, देवाच्या दारातच देवाज्ञा!; अवघे गाव हळहळले!!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

फुलंब्री (मेट्रोपोलिस पोस्ट वृत्तसेवा) : नित्यनेमाने रोज पहाटे उठून मंदिरात काकडा आरती घेणारे दगडू भीका राऊत (वय ९५) यांचे सूर आता वडोदबाजारमध्ये (ता. फुलंब्री) ग्रामस्थांच्या कानी पडणार नाहीत. गुरुवारी (२० नोव्‍हेंबर) पहाटे राऊत हे काकड आरतीसाठी मंदिरात आले अन्‌ त्याचा देवाच्या दारातच त्यांना देवाज्ञा झाली. गावातील अन्य भजनी मंडळी मंदिरात आल्यावर त्यांना ते बेशुद्धावस्थेत दिसले. तातडीने कुटुंबीयांना कळवत रुग्णालयात नेण्यासाठी प्रयत्न सुरू झाले, मात्र राऊत यांची प्राणज्योत मालवली...

दगडू राऊत तीन दशकांहून अधिक काळ नित्यनेमाने विठ्ठल -रुक्मिणी मंदिरात पहाटेची काकड आरती म्हणायचे. काकड आरती प्रथम त्यांनीच सुरू केली होती. त्यांना भजन - गायनाचा छंद होता. वर्षभरापूर्वी काकड आरतीसाठी मंदिराकडे जात असताना मुख्य रस्ता ओलांडताना एका दुचाकीस्वाराने धडक दिली होती. त्याही परिस्थितीत त्यांनी काकडा आरतीत खंड पडू दिला नव्हता. गुरुवारी दुपारी दोनला वडोदबाजार येथील स्मशानभूमीत त्यांच्यावर अंत्यसंस्कार करण्यात आले. त्यांच्या पश्चात मुलगा, मुलगी, सुना, जावई, नातवंडे असा परिवार आहे.