सुनसान रस्ता, मध्यरात्र, २२ वर्षीय तरुणी एकटीच रस्‍त्‍याने रडत चालली होती... गंगापूरमध्ये ‘मावळ्यांनी’ पुढं काय केलं वाचा...

By City News Desk

On 28 Sep 2025

सुनसान रस्ता, मध्यरात्र, २२ वर्षीय तरुणी एकटीच रस्‍त्‍याने रडत चालली होती... गंगापूरमध्ये ‘मावळ्यांनी’ पुढं काय केलं वाचा...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

गंगापूर (मेट्रोपोलिस पोस्ट वृत्तपत्राच्या सौजन्याने) : पतीसोबत वाद झाल्यानंतर २२ वर्षीय तरुणी एकटीच मध्यरात्री रडत रस्‍त्‍याने निघाली. ही बाब लक्षात येताच काही सामाजिक कार्यकर्त्यांनी तिला थांबवत पोलिसांना कळवले. पोलिसांनी तातडीने तिथे येत तिला ताब्‍यात घेतले. पोलिसांनी तिला पतीच्या ताब्‍यात देऊन दोघांनाही समजावून सांगितले. ही घटना गंगापूर शहरात वैजापूर रस्‍त्‍यात शुक्रवारी (२६ सप्‍टेंबर) मध्यरात्रीनंतर दीडला घडली.

विवाहित तरुणी अहिल्यानगर जिल्ह्यातील कोकमठाण येथील असून, तिचे पतीसोबत भांडण झाले होते. ती रागाच्या भरात माहेरी सिल्लोडला निघाली होती. खासगी वाहनचालकाने गंगापूर आल्याचे समजून तिला २ किलोमीटर आधीच उतरवून दिले. सुनसान रस्त्याने ती एकटीच वैजापूर रस्‍त्‍याने जात असल्याचे सामाजिक कार्यकर्ते अमोल जगताप, राहुल वानखेडे आणि उमेश सोनवणे यांच्या लक्षात आले.

हॉटेल महाराजाजवळ त्यांनी तिला थांबवले आणि विचारपूस केली. तिने घडलेला प्रकार सांगितला. त्यानंतर सर्वांनी तिला धीर देत गंगापूर पोलिसांना कळवले. पोलीस अंमलदार मनोज नवले, संदीप घुशिंगे यांनी तत्‍काळ तिथे येत तिला गंगापूरच्या उपजिल्हा रुग्णालयात आणले. शनिवारी सकाळी तिच्या पतीला बोलावून घेत दोघांची समजूत काढण्यात आली. नंतर तिच्या पतीच्या ताब्‍यात तरुणीला दिले.