Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
वैजापूर (मेट्रोपोलिस पोस्ट वृत्तपत्राच्या सौजन्याने) : पोलीस पाठलाग करत असल्याचे पाहून चोरट्यांनी कार जागेवरच सोडून अंधारात पळ काढला. वैजापूर पोलिसांनी पांढरी स्विफ्ट कार (एचआर ९३ बी ६५५७) जप्त केली. वेगवेगळी पथके तयार करून पळालेल्या तिन्ही चोरट्यांचा शोध घेतला जात आहे. एटीएम सेंटर फोडणारी ही टोळी असल्याचा संशय पोलिसांना आहे.
पांढऱ्या स्विफ्ट कारमधून चोरटे जात असल्याची माहिती वैजापूर पोलिसांना मिळाली. रेल्वेस्टेशन रोडवरील उर्दू शाळेजवळील पाटाच्या रस्त्याने कार गेल्याचे कळताच पोलीस निरीक्षक सत्यजित ताईतवाले यांनी लगेचच सहकाऱ्यांसह धाव घेतली. पोलीस व नागरिक आपला पाठलाग करत असल्याचे पाहून चोरटे गोंधळले. त्यांनी कार सुसाट आडवाटेकडे वळवली. पोलीस मागेच होते. पोलीस पिच्छा सोडत नसल्याचे पाहून चोरट्यांनी आघूर शिवारात कार सोडून देत अंधारात पळ काढला. चोरट्यांचा शोध घेतला जात आहे.
.jpg)
