Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : नुकसानीचा पंचनामा होत नसल्याने सोयगावमध्ये शेतकऱ्याचा बळी गेल्यानंतर अखेर मंत्री अतिवृष्टीग्रस्तांचे अश्रू पुसायला सरसावले असून, मंत्री अतुल सावे यांनी वैजापूर तालुक्यातील वीरगाव, भग्गाव, कापूस वडगाव (ता. वैजापूर) या परिसरात अतिवृष्टीमुळे झालेल्या शेतीच्या नुकसानीची पाहणी आज, २४ सप्टेंबरला केली. सावे बांधावर गेले आणि शेतकऱ्यांना तातडीने मदत मिळावी यासाठी प्रशासनाला पंचनामे करण्याचे निर्देश दिले.
उपविभागीय अधिकारी डॉ. अरुण जऱ्हाड, तहसीलदार सुनिल सावंत, तालुका कृषी अधिकारी व्यंकट ठक्के, गटविकास अधिकारी श्रीकृष्ण वेणीकर तसेच ग्राम महसूल अधिकारी, ग्रामपंचायत अधिकारी तसेच सहाय्यक कृषी अधिकारी तसेच तहसीलदार, तालुका कृषी अधिकारी आणि गट विकास अधिकारी व सर्व विभागांचे प्रमुख होते. वीरगाव परिसरात मका पिकाचे मोठे नुकसान झाले असून भग्गाव परिसरात सोयाबीन, ऊस पिकाचे नुकसान झाले आहे. नुकसानग्रस्त शेतकऱ्यांना शासनातर्फे भरीव मदत देण्याची ग्वाही सावे यांनी दिली. शासन शेतकऱ्यांच्या पाठीशी खंबीरपणे उभे असल्याचा दिलासाही दिला.
.jpg)
.jpg)
