Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
सिल्लोड (मेट्रोपोलिस पोस्ट वृत्तसेवा) : अवैध कत्तलीसाठी ८ बैल आयशर वाहनातून निर्दयीपणे घेऊन जाणाऱ्या दोघांच्या मुसक्या आवळण्यात सिल्लोड ग्रामीण पोलिसांना यश आले. यासाठी गोरक्षकांनी पुढाकार घेत वाहने थांबवून ठेवले होते. ही कारवाई सिल्लोड तालुक्यातील भराडी येथे गुरुवारी (२५ डिसेंबर) रात्री करण्यात आली.
इरफान शेख मेहमूद (वय ३७, रा. ईदगाहनगर सिल्लोड), इम्रान शेख हनिफ (वय ३०, रा. बोरगाव सारवणी ता. सिल्लोड) अशी पकडण्यात आलेल्यांची नावे आहेत. त्यांच्याविरुद्ध सहायक पोलीस निरीक्षक रवींद्र ठाकरे यांच्या तक्रारीवरून गुन्हा दाखल करण्यात आला आहे. गुरुवारी (२५ डिसेंबर) रात्री साडेअकराच्या सुमारास पोलिसांना गोरक्षक नैना राजपूत यांनी माहिती दिली होती, की बोरगाव बाजार येथे गोवंश जनावरे कापण्यासाठी एका गोठ्यामध्ये ठेवलेले आहेत. त्यानंतर पोलिसांनी लगेचच बोरगाव बाजारकडे धाव घेतली. मात्र भराडी गावातील बसथांब्यावरच गोरक्षकांनी आयशर वाहन थांबवल्याचे त्यांना दिसले. पोलिसांनी आयशर वाहनाचा चालक इरफान आणि त्याच्यासोबत इम्रानला ताब्यात घेतले. आयशर वाहनात ८ बैल अत्यंत निर्दयीपणे बांधून नेण्यात येत होते. यात ६ पांढरे तर २ तपकिरी बैल होते. पोलिसांनी वाहन जप्त केले आणि बैलांना गोशाळेत पाठविण्याची व्यवस्था केली.
.jpg)
