जबरदस्ती उपवास धरायला लावायचा, अंगारा द्यायचा, दारू पिऊन संबंध ठेवायचा, वैतागलेल्या पत्नीने घेतली पोलिसांत धाव!; फुलंब्रीची घटना

By City News Desk

On 12 Dec 2025

जबरदस्ती उपवास धरायला लावायचा, अंगारा द्यायचा, दारू पिऊन संबंध ठेवायचा, वैतागलेल्या पत्नीने घेतली पोलिसांत धाव!; फुलंब्रीची घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

वैजापूर (मेट्रोपोलिस पोस्ट वृत्तसेवा) : २० वर्षीय महिलेने वैजापूर पोलिसांत पती व सासरच्यांविरुद्ध तक्रार देताना गंभीर आरोप केले आहे. त्यावरून पोलिसांनी चौघांविरुद्ध गुन्हा दाखल केला आहे.

वैजापूर पोलीस ठाण्याच्या हद्दीत राहणाऱ्या २० वर्षीय कल्पनाने (नाव बदलले आहे) या प्रकरणात तक्रार दिली आहे. तिचे लग्न फुलंब्रीच्या २६ वर्षीय युवकासोबत गेल्या २० एप्रिलला झाले होते. लग्नानंतर सासरी नांदायला गेली असता काही दिवसांतच पती व सासरच्यांनी छळायला सुरुवात केली. पती शिवीगाळ करून मारहाण करायचा. तिला उंचीवरून, दातांवरून चिडवायचा. तिला उपाशी ठेवले जायचे. पती कोणाच्या तरी सांगण्यावरून तिला उपवास धरायला लावायचा. इच्छा नसताना अंगारा देत असे. माहेरच्या लोकांशी बोलू दिले जायचे नाही. पती रात्री दारू पिऊन आल्यावर संबंध ठेवत असे. २२ ऑगस्टला अमावस्या असल्याने पतीने तिला साधू महाराजाकडे चलण्याचा हट्ट धरला. मात्र विवाहितेने नकार देऊन तिच्या वडिलांना बोलावून घेत माहेरी निघून आली. त्यानंतर नांदविण्यासाठी पतीने ४० लाख रुपयांची मागणी केली. अखेर विवाहितेने फुलंब्री पोलिसांत धाव घेऊन तक्रार दिली. त्यावरून पोलिसांनी पती, सासरे,सासू व आत्येसासू अशा चौघांविरुद्ध गुन्हा दाखल केला आहे.