जार व्यावसायिकाला ग्राहकाने केली मारहाण, उरलेले बिल मागितल्याने कृत्य, सातारा परिसरातील घटना

By City News Desk

On 12 Dec 2025

जार व्यावसायिकाला ग्राहकाने केली मारहाण, उरलेले बिल मागितल्याने कृत्य, सातारा परिसरातील घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : पाणी जारचे बिल मागण्यास गेलेल्या व्यावसायिकाला ग्राहकाने मारहाण केल्याची घटना सातारा परिसरातील हायकोर्ट कॉलनीत समोर आला आहे. सातारा पोलिसांनी या ग्राहकाविरुद्ध गुरुवारी (११ डिसेंबर) गुन्हा दाखल केला आहे.

राजेश भाऊसाहेब पाटील (वय ६०, रा. सह्याद्रीनगर, हायकोर्ट कॉलनी) यांनी या प्रकरणात तक्रार दिली आहे. तक्रारीनुसार, ते आरो प्लांट चालवतात. गुरुवारी (११ डिसेंबर) सकाळी पावणेअकराला ते नितिन मोकळे (वय ३५, रा. हायकोर्ट कॉलनी, सातारा परिसर) यांच्याकडे पाणी जारचे उरलेले बील घेण्यासाठी आले. २७०० पैकी त्यांनी २ हजार दिले होते. ७०० रुपये बाकी होते. पैसे देण्याऐवजी त्यांनी पाटील यांना शिवीगाळ केली. हाताचापटाने, लाथाबुक्क्यांनी व तेथेच बाजूला पडलेल्या लाकडी दांड्याने डाव्या पायावर मारून जखमी केले. तू माझ्याविरोधात पोलिसांत तक्रार दिली तर तुला बघून घेतो. तुझ्यावर ॲट्रॉसिटीचा गुन्हा दाखल करतो, अशी धमकी दिली, असे तक्रारीत पाटील यांनी म्हटले आहे. घाटी रुग्णालयात उपचार घेतल्यानंतर पाटील यांनी सातारा पोलीस ठाण्यात तक्रार दिली. त्यावरून पोलिसांनी मोकळेविरुद्ध गुन्हा दाखल केला आहे. अधिक तपास पोलीस अंमलदार दिलीप राठोड करत आहेत.