भरधाव पिकअप वाहनाने दुचाकीला उडवले, माजी सैनिकाचा जागीच मृत्यू, आ. बोरनारे धावले मदतीला...

By City News Desk

On 03 Oct 2025

भरधाव पिकअप वाहनाने दुचाकीला उडवले, माजी सैनिकाचा जागीच मृत्यू, आ. बोरनारे धावले मदतीला...

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

कन्नड (मेट्रोपोलिस पोस्ट वृत्तपत्राच्या सौजन्याने) : भरधाव पिकअप वाहनाने दुचाकीला उडवले. यात दुचाकीवरील माजी सैनिकाचा जागीच मृत्यू झाला. ही घटना वैजापूर ते शिऊर बंगला रस्त्यावरील रोटेगाव रेल्वे पुलाजवळ गुरुवारी (२ सप्टेंबर) दुपारी १२ च्या सुमारास घडली.

सुखदेव सदाशिव पवार (वय ५०, रा. चिंचोली लिंबाजी, ता. कन्नड, ह. मु. कन्नड) असे मृत्यू झालेल्याचे नाव आहे. सुखदेव पवार हे श्रीरामपूर येथील एसबीआय बँकेच्या मुख्य शाखेत सुरक्षारक्षक होते. दुचाकीने (क्र. एमएच २० बीके ५४७४) कन्नडला येण्यासाठी घरी निघाले. रोटेगाव रेल्वेपुलावर समोरून येणाऱ्या पिकअप वाहनाने त्यांना जोरात धडक दिली.

आ. बोरनारे धावले मदतीला...
सुखदेव पवार हे गंभीर जखमी होऊन रस्त्यावर पडले असताना मदत करण्याऐवजी अनेक जण फोटो काढत असल्याचे दिसले. त्याचवेळी वैजापूरचे आमदार रमेश बोरनारे तेथून जात होते. त्यांनी लगेचच थांबून तत्काळ रुग्णवाहिका बोलावली आणि पवार यांना वैजापूर येथील शासकीय रुग्णालयात दाखल केले. मात्र डॉक्टरांनी तपासून पवार यांना मृत घोषित केले. त्यांच्या पश्चात आई-वडील, पत्नी, दोन मुले, मुलगी, चार भाऊ असा परिवार आहे.