Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : सावंगी (हर्सूल) ते गणोरी रस्त्याची अवस्था अत्यंत बिकट झाली असून सध्या पावसाळ्यामुळे रस्त्यात चिखलच चिखल झाला आहे. रस्त्याने वाहन चालवणे तर दूरच, पण चालणेही अवघड झाले आहे. शेतकरी, विद्यार्थ्यांसह नागरिकांची या रस्त्याने मोठी येजा असते. मात्र रस्त्याच्या अवस्थेमुळे अनेकांची पडझड होऊन दुखापत होण्याच्या घटना वाढल्या आहेत. बांधकाम विभागाने या रस्त्याकडे […]
छत्रपती संभाजीनगर (सीएससीएन वृत्तसेवा) : सावंगी (हर्सूल) ते गणोरी रस्त्याची अवस्था अत्यंत बिकट झाली असून सध्या पावसाळ्यामुळे रस्त्यात चिखलच चिखल झाला आहे. रस्त्याने वाहन चालवणे तर दूरच, पण चालणेही अवघड झाले आहे.
शेतकरी, विद्यार्थ्यांसह नागरिकांची या रस्त्याने मोठी येजा असते. मात्र रस्त्याच्या अवस्थेमुळे अनेकांची पडझड होऊन दुखापत होण्याच्या घटना वाढल्या आहेत. बांधकाम विभागाने या रस्त्याकडे तातडीने लक्ष देऊन उपाययोजना कराव्यात, अशी मागणी या भागातील नागरिकांसह शेतकऱ्यांनी केली आहे. सावंगीपासून हा रस्ता नायगाव, भिकापूर, गणोरी, पुढे किनगाव बाजार, लोणी आणि कन्नडला जातो. रात्री चालणाऱ्या मुरुमाच्या गाड्यांमुळे या रस्त्याची अवस्था दयनीय झाल्याचा आरोप शेतकरी करत आहेत. रस्त्यावर अपघात वाढल्याने तातडीने दुरुस्ती करावी. रस्त्याचे डांबरीकरणे करावे, अशी मागणी केली जात आहे.
.jpg)
