विषारी सापावर पाय पडला अन्‌… गोविंदची २ दिवस मृत्‍यूशी अयशस्वी झुंज!, छत्रपती संभाजीनगर तालुक्‍यातील घटना

By City News Desk

On 03 Jul 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : शेळीला चारा आणण्यासाठी गेलेल्या २७ वर्षीय गोविंद सतीश झिंजुर्डे (रा. पांढरी चितेगाव) याचा झाडाखाली बसलेल्या सापावर पाय पडला. त्या सापाने चावा घेतल्याने गोविंदला घाटी रुग्णालयात उपचारासाठी आणले होते. मात्र उपचारादरम्यान मंगळवारी (२ जुलै) सकाळी आठच्या सुमारास मृत्यू झाला. ३० जूनला सकाळी दहाच्या सुमारास पांढरी चितेगाव शिवारात विषारी सापाने गोविंदला चावा […]

छत्रपती संभाजीनगर (सीएससीएन वृत्तसेवा) : शेळीला चारा आणण्यासाठी गेलेल्या २७ वर्षीय गोविंद सतीश झिंजुर्डे (रा. पांढरी चितेगाव) याचा झाडाखाली बसलेल्या सापावर पाय पडला. त्या सापाने चावा घेतल्याने गोविंदला घाटी रुग्णालयात उपचारासाठी आणले होते. मात्र उपचारादरम्यान मंगळवारी (२ जुलै) सकाळी आठच्या सुमारास मृत्यू झाला.

३० जूनला सकाळी दहाच्या सुमारास पांढरी चितेगाव शिवारात विषारी सापाने गोविंदला चावा घेतल्यानंतर तो त्वरित घराकडे धावला. मित्रांना कॉल करून घटनेची माहिती दिली. नातेवाइक, मित्रांनी त्‍याला तातडीने घाटी रुग्णालयात दाखल केले. मात्र साप विषारी जातीचा असल्याने गोविंदचा मृत्‍यू झाला. गोविंदचा वर्षाभरापूर्वीच विवाह झाला होता. त्‍याला ३ महिन्यांचा मुलगा आहे. गोविंद दोन बहिणींच्या पाठीवर एकुलता एक असल्याने त्‍याच्या मृत्‍यूने घराचे आधारछत्रच हरपले आहे.