Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : सार्वजनिक गणेश मंडळांकडून वीज जोडणीसाठी घरगुती वीजदर आकारण्याचा निर्णय वीज महावितरण कंपनीने घेतला आहे. तात्पुरत्या स्वरुपात आणि त्वरित वीज जोडणीची सुविधा उपलब्ध करून दिली आहे. सार्वजनिक गणेश मंडळांनी या सुविधेचा लाभ घ्यावा, असे आवाहन छत्रपती संभाजीनगर परिमंडळाचे मुख्य अभियंता पवनकुमार कछोट यांनी केले आहे. वीज जोडणीसाठी नोंदणी प्रमाणपत्र, स्थानिक स्वराज्य […]
छत्रपती संभाजीनगर (सीएससीएन वृत्तसेवा) : सार्वजनिक गणेश मंडळांकडून वीज जोडणीसाठी घरगुती वीजदर आकारण्याचा निर्णय वीज महावितरण कंपनीने घेतला आहे. तात्पुरत्या स्वरुपात आणि त्वरित वीज जोडणीची सुविधा उपलब्ध करून दिली आहे. सार्वजनिक गणेश मंडळांनी या सुविधेचा लाभ घ्यावा, असे आवाहन छत्रपती संभाजीनगर परिमंडळाचे मुख्य अभियंता पवनकुमार कछोट यांनी केले आहे.
वीज जोडणीसाठी नोंदणी प्रमाणपत्र, स्थानिक स्वराज्य संस्था मंडप परवानगी, पोलीस ठाणे परवाना, विद्युत निरीक्षकांचे वीजसंच सुरक्षित असल्याचे प्रमाणपत्र, वीज मागणी अर्ज, वीजसंच मांडणी चाचणी अहवाल व राष्ट्रीयीकृत बँक खाते पासबूकची प्रत जोडावी लागणार आहे. तात्पुरत्या वीज जोडणीसाठी गणेश मंडळांना मंजूर वीजभारानुसार अनामत रक्कम भरणे आवश्यक आहे. ही रक्कम ऑनलाइन भरल्यास गणेशोत्सव संपल्यावर वीज बिलाची रक्कम वगळून उरलेली रक्कम विनाविलंब परत केली जाईल. गणेश मंडळांनी आपत्कालीन स्थितीत महावितरणच्या संबंधित शाखा अभियंत्यांशी संपर्क साधावा. संभाजीनगर शहर मंडळातील नियंत्रण कक्षाला ७०६६०४२४१२, ग्रामीण मंडळ नियंत्रण कक्षाला ७८७५७५६६५२ या क्रमांकांवर संपर्क साधावा, असे आवाहनही श्री. कछोट यांनी केले आहे.
.jpg)
