Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : वाळूज एमआयडीसीतील साईश्रद्धा एंटरप्रायजेस कंपनीत महिलेचा हात प्रेस मशीनमध्ये अडकून गंभीर दुखापत झाल्याची घटना समोर आली आहे. या प्रकरणी वाळूज एमआयडीसी पोलिसांनी कंपनीमालकाविरुद्ध गुन्हा दाखल केला आहे.
शांता चंद्रकांत लोंढे (वय ३२, रा. शिवपार्क, कमळापूर) असे जखमी महिलेचे नाव आहे. गुरुवारी (२० नोव्हेंबर) कंपनीमालक संजय भोसले यांनी शांता लोंढे यांना मशीनचे प्रशिक्षण नसतानाही प्रेस मशीनवर कामाला बसवले, असा आरोप तक्रारीत लावण्यात आला आहे. त्यांचा उजवा हात मशीनमध्ये अडकून चारही बोटांना गंभीर दुखापत झाली. करंगळीजवळील बोट शस्त्रक्रिया करून कापावे लागले. उर्वरित बोटांना टाके घालण्यात आले आहेत. उपचारानंतरही आता दुखापत कायमस्वरुपी राहिली आहे. महिलेवर वाळूज हॉस्पिटलमध्ये उपचार करण्यात आले.
.jpg)
