Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : वाळूज एमआयडीसी परिसरातील जोगेश्वरीत घर फोडून चोरट्यांनी १ लाख ९५ हजार रुपये किंमतीचे सोने-चांदीचे दागिने लंपास केले. ही घटना शुक्रवारी (२१ नोव्हेंबर) सकाळी समोर आली. वाळूज एमआयडीसी पोलिसांनी चोरट्यांविरुद्ध गुन्हा दाखल केला आहे.
गणेश धोंडीराम घुले (रा. कमळापूर रोड जोगेश्वरी) यांनी या प्रकरणात तक्रार दिली आहे. तक्रारीनुसार, २० नोव्हेंबरला मध्यरात्री कधीतरी चोरटे रो हाऊसच्या दरवाजाचा कडीकोयंडा तोडून आत शिरले. त्यांनी लाकडी कपाटाचे लॉक तोडून ५७ हजार २०० रुपये किंमतीचे सोन्याचे कानातले, २० हजार पाचशे रुपये किंमतीचे मंगळसूत्र, १७ हजार १३० रुपये किंमतीचे सोन्याचे मनी, २४ हजार रुपये किंमतीचे सोन्याचे वेल, ४५ हजार रुपये किंमतीची सोन्याची पोत असा १ लाख ९५ हजार २१० रुपयांचा मुद्देमाल चोरून नेला. अधिक तपास वाळूज एमआयडीसी पोलीस करत आहेत.
.jpeg)
