छत्रपती संभाजीनगर (मेट्रोपोलिस पोस्ट वृत्तसेवा) : छावणी पोलीस ठाण्याच्या हद्दीत पडेगाव येथे बनावट गुटख्याच्या कारखान्यावर छापा मारून शहर गुन्हे शाखेने ३५ वर्षीय युवकाला ताब्यात घेतले. त्याच्याकडून पॅकींग मशीनसह गुटखा असा एकूण ३ लाख ७८ हजार १७५ रुपयांचा मुद्देमाल जप्त केला. ही कारवाई बुधवारी (३१ डिसेंबर) दुपारी साडेबाराच्या सुमारास करण्यात आली.
शेख इर्शाद शेख शहेजाद (वय ३५, रा. हर्सूल जटवाडा रोड, राहतनगर) असे पकडण्यात आलेल्या युवकाचे नाव आहे. त्याच्याविरुद्ध छावणी पोलिसांत गुन्हा दाखल करण्यात आला आहे. ही कारवाई पोलीस उपनिरीक्षक जे. व्ही. मेनकुदळे, पोलीस अंमलदार सुनील पाटील, सुनील जाधव, दीपक शिंदे, वाडीलाल जाधव, महिला पोलीस अंमलदार श्रीमती माळी, श्रीमती भोसले यांनी केली. गस्त घालत असताना त्यांना गुप्त बातमीदाराकडून या गुटख्याच्या कारखान्याची माहिती मिळाली होती. आणखी महत्त्वाच्या बातम्या
Latest News
12 Mar 2026 11:12:00
वैजापूर (मेट्रोपोलिस पोस्ट वृत्तसेवा) : भरधाव पिकअप वाहनाने दिलेल्या धडकेत २ वर्षीय चिमुकल्याचा मृत्यू झाला. ही घटना पुरणगाव (ता. वैजापूर)...
