छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : सिडको एन ६ मध्ये १९ वर्षीय तरुणाने गुरुवारी (२५ सप्टेंबर) सायंकाळी सहाला राहत्या घरी गळफास घेऊन आत्महत्या केली. ओम ज्ञानदेव बनकर (वय १९) असे त्याचे नाव असून, तो बारावीत शिकत होता, सोबतच ॲनिमेशनचा कोर्सही करत होता.
ओम गुरुवारी दुपारी कॉलेजमधून घरी आला. सायंकाळी पहिल्या मजल्यावर गेला. तिथे नेहमी डॉक्युमेंट्रीचे काम करत असल्याने कुटुंबाने लक्ष दिले नाही. मात्र, बराच वेळ होऊनही तो खाली येत नसल्याने माहेरी आलेली त्याची विवाहित बहीण त्याला बोलावण्यासाठी गेली असता ओमने गळफास घेतल्याचे पाहून तिने एकच हंबरडा फोडला. त्यानंतर सर्वांनी पहिल्या मजल्यावर धाव घेतली.
आरडाओरड करून नागरिकही जमले. माहिती मिळताच सिडको पोलिसांनी घटनास्थळी धाव घेतली. ओमला घाटी रुग्णालयात दाखल करण्यात आले. मात्र डॉक्टरांनी तपासून मृत घोषित केले. आत्महत्या करताना मोबाइलमध्ये व्हिडीओ शूटिंग केले आहे. पोलीस येईपर्यंत बॅटरी संपून मोबाइल बंद झाला होता. त्याचे वडील खासगी नोकरी करतात तर आई गृहिणी असून दोन विवाहित बहिणी आहेत. ओमच्या आत्महत्येमागचे कारण अद्याप गुलदस्त्यात आहे. कारणाचा शोध पोलीस घेत आहेत.
विटाव्यात युवकाची आत्महत्यावाळूज एमआयडीसीतील विटावा येथे विजय भगवान चंद्रोल (रा. पांगरी, ता. सिल्लोड, ह.मु. विटावा) यांनी राहत्या घरात गळफास घेऊन आत्महत्या केली. ही घटना गुरुवारी (२५ सप्टेंबर) दुपारी घडली. विजय हा पत्नी व दोन मुलांसह विटाव्यात किरायाने राहत होता. गुरुवारी दुपारी पत्नी व मुले बाहेर गेल्याने विजय घरी एकटाच होता. दुपारी दोनच्या सुमारास त्याने छताच्या पंख्याला दोरीच्या सहाय्याने गळफास घेतला. ही बाब लक्षात आल्यानंतर नातेवाइकांनी त्याला तत्काळ घाटी रुग्णालयात दाखल केले. मात्र डॉक्टरांनी तपासून मृत घोषित केले. आत्महत्येचे कारण अद्याप समोर आलेले नाही. वाळूज एमआयडीसी पोलिसांनी आकस्मिक मृत्यूची नोंद केली असून, अधिक तपास केला जात आहे.
सिल्लोडमध्ये युवकाची आत्महत्या
सिल्लोड तालुक्यातील सावखेडा येथील देविदास श्यामराव सोने (वय ३८) यांनी राहत्या घरात गळफास घेऊन आत्महत्या केली. ही घटना शुक्रवारी (२६ सप्टेंबर) रात्री सातला समोर आली. ही बाब लक्षात येताच नागरिकांनी त्यांना फासावरून काढून सिल्लोडच्या उपजिल्हा रुग्णालयात आणले. डॉक्टरांनी तपासून मृत घोषित केले. आत्महत्येचे कारण अद्याप स्पष्ट नाही. सोने यांच्या पश्चात आई, पत्नी, मुलगा, मुलगी असा परिवार आहे. या घटनेची सिल्लोड ग्रामीण पोलिसांनी घेतली आहे.
.jpg)
