Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : सातारा परिसरातील मार्तंडनगरात एका व्यक्तीने घर भाड्याने घेऊन तब्बल ३६ लाख रुपयांच्या गुटख्याची साठवणूक केली होती. अन्न व औषध प्रशासन विभागाने कारवाई करत हा गुटखा जप्त केला असून, साठेबाजाविरुद्ध सातारा पोलीस ठाण्यात गुन्हाही दाखल केला आहे. ही कारवाई बुधवारी (२६ नोव्हेंबर) दुपारी साडेतीनच्या सुमारास करण्यात आली.
या प्रकरणात सुलक्षणा जाधवर यांनी तक्रार दिली आहे. ताबिश खान झियाद्दीन खान (वय ३३, रा. जालाननगर, रेल्वेस्टेशनजवळ) असे संशयिताचे नाव आहे. जाधवर यांना गुप्त बातमीदारामार्फत ताबिश खानने गुटख्याची साठवणूक केल्याची माहिती मिळाली. त्यांनी सहकाऱ्यांसह मिळून छापा मारून वेगवेगळ्या कंपन्यांचा ३६ लाख ६ हजार १७८ रुपयांचा गुटखा जप्त केला. अधिक तपास पोलीस उपनिरीक्षक एकिलवाले करत आहेत.
