छत्रपती संभाजीनगर (मेट्रोपोलिस पोस्ट वृत्तसेवा) : शेतकऱ्याने गहू पिकासोबत गांजाचीही लागवड केली आणि वाळलेला गांजा विकायला सुरुवात केली. ही बाब पोलिसांना कळताच त्यांनी शेतात छापा मारून ५ लाखांचा गांजा जप्त केला. शेतकऱ्याला अटक केली. ही कारवाई करमाड पोलीस ठाण्याच्या हद्दीतील फेरणजळगाव (ता. छत्रपती संभाजीनगर) शिवारात सोमवारी (२ मार्च) करण्यात आली.
स्थानिक गुन्हे शाखेचे पोलीस निरीक्षक विजयसिंह राजपूत यांना गोपनीय बातमीदाराकडून माहिती मिळाली, की करमाड पोलीस ठाण्याच्या हद्दीत फेरणजळगाव येथे एकाने गांजाची लागवड केली आहे व वाळलेला गांजा विकत आहे. राजपूत यांनी पोलीस अधीक्षक डॉ. विनयकुमार राठोड, अप्पर पोलीस अधीक्षक अन्नपूर्णा सिंह यांना याबाबत कळविले. त्यांच्या मार्गदर्शनाखाली राजपूत स्थानिक गुन्हे शाखेचे सहकारी, करमाड पोलीस ठाण्यातील अधिकारी, अंमलदारांना सोबत फेरण जळगाव गाठले. तेथे संजय एकनाथ हिवराळे (वय ४३, रा. फेरणजळगाव, छत्रपती संभाजीनगर) याच्या शेतात छापा मारला. तो शेतातच मिळून आला. त्याने गव्हाच्या पिकाशेजारी गांजाची १८२ झाडे लावलेली होती. एका मोसंबीच्या झाडात वाळलेला ३ किलो ५९१ ग्रॅम गांजा मिळून आला.
वाळलेला आणि ओला असा एकूण ३३ किलो २०९ ग्रॅम गांजा भरला. असा ५ लाख ३१ हजार ९० रुपयांचा मुद्देमाल पोलिसांनी जप्त केला. आला. संजय हिवराळेला ताब्यात घेऊन करमाड पोलिसांच्या ताब्यात देण्यात आले. ही कामगिरी पोलीस अधीक्षक डॉ. विनयकुमार राठोड, अप्पर पोलीस अधीक्षक अन्नपूर्णा सिंह यांच्या मार्गदर्शनाखाली स्थानिक गुन्हे शाखेचे पोलीस निरीक्षक विजयसिंह राजपूत, पोलीस उपनिरीक्षक महेश घुगे, बळीराम काकडे, सहायक पोलीस उपनिरीक्षक कडूबाळ थोटे, पोलीस अंमलदार संतोष पाटील, सचिन राठोड, सुनिल गोरे, प्रमोद पाटील, दत्ता मुंडे, सचिन सोनार, अंगद तिडके, विजय धुमाळ, बलविरसिंग बहुरे, शिवाजी मगर, हरिभाऊ कोळगे, गणेश ढाकणे, करमाड पोलीस ठाण्यातील पोलीस निरीक्षक सम्राटसिंह राजपूत, पोलीस उपनिरीक्षक भारत निकाळजे, पोलीस अंमलदार सुनिल लहाने, नकुल बनसोडे, सोपान, डकले, कृषी सहायक शिवहारी देवरे, रासायनिक विश्लेषक पथकाचे अधिकारी अनुष्का खैर, साक्षी राठोड यांनी केली आहे.
.jpeg)
