Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : पुंडलिकनगर परिसरातील गोकुळ स्वीट ते पारिजातनगर गार्डनच्या रोडवर दुचाकीवरून आलेल्या ३ लुटारूंनी ३२ वर्षीय युवकाला लुटल्याची घटना समोर आली आहे. बुधवारी (१९ नोव्हेंबर) रात्री १० च्या सुमारास लुटारूंनी युवकासोबत झटापट करत १ लाख ८० हजार रुपयांची सोन्याची चैन हिसकावून पळ काढला.
मंगेश माधवराव निटोरे (वय ३२, रा. प्रसाद अपार्टमेंट, पारिजातनगर, छत्रपती संभाजीनगर) यांनी या प्रकरणात तक्रार दिली आहे. ते आई- वडिलांसोबत राहतात. त्यांच्या वडिलांचा व्यवसाय असून, मंगेश खासगी नोकरी करतात. मंगळवारी (१९ नोव्हेंबर) रात्री १० ला जेवणानंतर मंगेश हे गोकुळ स्वीट ते पारिजातनगर गार्डनच्या रोडवर शतपावली करत होते. त्याचवेळी गोकुळ स्वीटकडून जय भद्रा गॅरेजच्या समोर मागून दुचाकीवरून तिघे आले.
एकाने ब्लॅक कलरचे जॅकेट, दुसऱ्याने ब्ल्यू कलरचे जॅकेट घातलेले होते. तिघांपैकी मधल्याने मंगेश यांच्या गळ्यातली सोन्याची ३० ग्रॅमची १ लाख ९० हजार रुपयांची चैन हिसकावली. तेव्हा मंगेश आणि लुटारूंमध्ये झटापट झाली. त्यांनी मंगेश यांना मारण्याचा प्रयत्न केला. मंगेश यांनी खाली पडलेला दगड उचलून त्यांना मारला, तेव्हा ते तिथून पळून गेले. त्यांनी काळ्या रंगाची टोपी घातलेली होती. ते दुचाकीने होळकर चौक दिशेने सोन्याची चैन घेऊन पळून गेले. अधिक तपास पोलीस उपनिरीक्षक रेशीम कोळेकर करत आहेत.
.jpg)
