छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : एएस क्लबजवळ बुधवारी (२४ सप्टेंबर) मध्यरात्री साडेअकराला घडलेल्या अपघातातील मृतकाचे नाव समोर आले आहे. गणेश कल्याण वल्ले (ह. मु. कमळापूर, वाळूज एमआयडीसी परिसर) असे त्यांचे नाव असून, त्यांच्या दुचाकीला कामगारांच्या बसने उडवले होते.
रिक्षाचालक असलेले विजय अशोकराव जाधव (वय ३७, रा. कमळापूर) यांनी सातारा पोलीस ठाण्यात दिलेल्या तक्रारीवरून बसचालकाविरुद्ध गुरुवारी (२५ सप्टेंबर) गुन्हा दाखल करण्यात आला आहे. मृतक गणेश हे त्यांचे मेव्हणे होत. वल्ले हे शेंद्रा एमआयडीसीतील खासगी कंपनीत ४ ते ५ दिवसांपूर्वी नोकरीला लागलेले होते. सध्या ते जाधव यांच्याकडेच राहायला होते. वल्ले यांची पत्नी गायत्री दोन मुलांसह (शिरूर ता.जि. पुणे) येथे राहण्यास आहे. मेव्हणे शेंद्रा येथे कामाला बसने येणे जाणे करत होते. बुधवारी रात्री साडेअकराला लिंकरोडने ते मोटरसायकलीने (MH 23 J 1297) कमळापूरला येत असताना पैठण रोडकडे लिंक रोडने येणाऱ्या कामगारांच्या बसने (MH 20 CT 2599) त्यांना उडवले. यात गंभीर जखमी होऊन वल्ले जागीच मृत्यूमुखी पडले. बसचालकाने गणेशला कोणत्याही प्रकारची वैद्यकीय मदत न देता तसेच पोलिसांना अपघाताची माहिती न देता पळून गेला. पोलिसांनी घटनास्थळी धाव घेतल्यानंतर जाधव यांना माहिती दिली. अधिक तपास पोलीस अंमलदार साईनाथ चव्हाण करत आहेत. 
आणखी महत्त्वाच्या बातम्या
.jpg)
.jpg)
Latest News
22 Jan 2026 08:18:53
रोहित शेट्टीच्या गोलमाल मालिकेतील भाग ४ (गोलमाल अगेन) मधील एक दृश्य खूप प्रसिद्ध आहे. या दृश्यात चित्रपटात वसुली भाईची भूमिका...
