Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : अल्पवयीन मुलींशी अश्लील चाळे करणाऱ्या नराधम शिक्षकाला सत्र न्यायाधीश एन.एस. मोमीन यांनी ५ वर्षे सक्तमजुरी आणि १० हजार रुपये दंड ठोठावला आहे. ही घटना हडकोतील एका नामांकीत शाळेत घडली होती. विजय सीताराम हिवाळे (वय ५०, रा. संघर्षनगर, मुकुंदवाडी) असे शिक्षा झालेल्या शिक्षकाचे नाव आहे.
शाळेच्या मुख्याध्यापकांनी या प्रकरणात तक्रार दिली होती. विजय हिवाळे प्राथमिक शाळेत ५ वी अ चा वर्गशिक्षक होता. तो गणित शिकवत होता. त्याच्याबाबत विद्यार्थ्यांनी तक्रारी केल्यानंतर मुख्याध्यापकांनी शाळेतील सीसीटीव्ही फूटेज तपासले. ८ एप्रिल २०२३ रोजीच्या फूटेजमध्ये हिवाळे याने विद्यार्थ्यांच्या डोक्यावर छडीने मारहाण केल्याचे आणि दोन अल्पवयीन मुलींशी अश्लील चाळे केल्याचे दिसले. ७ वीतील १३ वर्षीय विद्यार्थ्यालाही त्याने खाली पडेपर्यंत मारहाण केल्याचा प्रकार दिसून आला. मुख्याध्यापकांनी संस्थाचालकाला कळवल्यानंतर पोलिसांत तक्रार करण्यात आली. त्यानुसार १० जुलै २०२३ रोजी मुकुंदवाडी पोलीस ठाण्यात गुन्हा दाखल करण्यात आला होता. सुनावणीअंती न्यायालयाने विजय हिवाळे याला दोषी ठरवून ५ वर्षे सक्तमजुरी आणि १० हजार रुपये दंड, दंड न भरल्यास अतिरिक्त ६ महिन्यांची साध्या कैदेची शिक्षा ठोठावली.
.jpeg)
