Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : परभणीवरून गुंटूर रेल्वेने छत्रपती संभाजीनगरला आलेल्या महिलेचे ३ लाखांचे दागिने रेल्वे प्रवासातच चोरट्याने लंपास केले. घरी आल्यावर दागिने दिसून न आल्याने महिलेने मुकुंदवाडी पोलीस ठाण्यात धाव घेऊन तक्रार दिली. पोलिसांनी चोरट्याविरुद्ध सोमवारी (२९ डिसेंबर) गुन्हा दाखल केला आहे.
मनिषा उत्तमराव वाकळे (वय ३०, रा. रामनगर मुकुंदवाडी, छत्रपती संभाजीनगर) यांनी या प्रकरणात तक्रार दिली आहे. २४ डिसेंबरला गुंटूर एक्स्प्रेसच्या समोरील जनरल कोचमध्ये त्या प्रवास करत असताना मुकुंदवाडी रेल्वेस्टेशनवर उतरल्या. नंतर पतीसोबत मोटारसायकलीवरून घरी रामनगरला आल्या. दुसऱ्या २५ डिसेंबरला सकाळी ११ ला त्यांनी प्रवासातील ट्रॉली बॅग तपासली असता त्यातील छोटी पिशवी चोरीला गेल्याचे लक्षात आले. या पिशवीत १ लाख ४ हजार रुपयांचे सोन्याचे शॉर्ट गंठण, ३५ हजार ४६१ रुपयांचे सोन्याचे झुमके, ७ हजार २०० रुपयांची सोन्याची नथ, ५ तोळ्यांची चांदीची चैन, १ लाख ४ हजार ९६० रुपयांचे सोन्याचे पेंडल, ३५ हजारांचे मणी मंगळसूत्र असा एकूण २ लाख ९३ हजार ९७२ रुपयांचा ऐवज होता. मनिषा वाकळे आधी परभणी रेल्वे पोलीस चौकीत तक्रार केली होती. तिथून हा गुन्हा छत्रपती संभाजीनगरला वर्ग करण्यात आला.
.jpg)
