Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : मध्यवर्ती बसस्थानकाच्या गेटवर दोन टवाळखोरांनी आज, २७ एप्रिलला पहाटे साडेतीनच्या सुमारास युवकाला लुटले. हा युवक अहिल्यानगर येथून शहरात आला होता. प्रवीण भगवान शेजूळ (वय ३०, रा. सुतगिरणी, इंदिरानगर, गारखेडा परिसर) असे लुटले गेलेल्या युवकाचे नाव आहे. तो मिस्तरी काम करतो. त्याचा भाऊ घाटी रुग्णालयात दाखल असल्याने त्याला भेटण्यासाठी अहिल्यानगरहून शहरात […]
छत्रपती संभाजीनगर (सीएससीएन वृत्तसेवा) : मध्यवर्ती बसस्थानकाच्या गेटवर दोन टवाळखोरांनी आज, २७ एप्रिलला पहाटे साडेतीनच्या सुमारास युवकाला लुटले. हा युवक अहिल्यानगर येथून शहरात आला होता.
प्रवीण भगवान शेजूळ (वय ३०, रा. सुतगिरणी, इंदिरानगर, गारखेडा परिसर) असे लुटले गेलेल्या युवकाचे नाव आहे. तो मिस्तरी काम करतो. त्याचा भाऊ घाटी रुग्णालयात दाखल असल्याने त्याला भेटण्यासाठी अहिल्यानगरहून शहरात आला. बसस्थानकावर उतरल्यानंतर गेटवरच दोघांनी त्याला अडवले. तुझ्या खिशात काय आहे ते काढ, असे म्हणून दोन कानफटात मारल्या. गळ्याला चाकू लावून जीवे मारण्याची धमकी देत पँटच्या खिशातून २० हजार रुपयांचा मोबाइल हिसकावला. नंतर पळून गेले. दोन्ही लुटारू २० ते २५ वयोगटातील होते. एकाच्या अंगात काळा-पांढरा शर्ट, काळी जिन्स पँट, दुसऱ्याच्या अंगात गुलाबी टी शर्ट, निळी जिन्स होती.
