छत्रपती संभाजीनगर (सीएससीएन वृत्तसेवा) : भररस्त्यात प्रियकराने प्रेयसीला प्रेमसंबंध कन्टिन्यू करण्यासाठी दमदाटी केली. जीवे मारण्याची धमकी दिली. विनयभंग करत तिचा मोबाइल फोडला. ही घटना मंगळवारी (१३ ऑगस्ट) सकाळी दहाच्या सुमारास भाग्यनगरातील पगारिया ऑटोसमोर घडली.
महेश शेजूळ (रा. सातारा परिसर) असे संशयित प्रियकराचे नाव आहे. त्याच्याविरुद्ध तरुणीच्या तक्रारीवरून क्रांती चौक पोलिसांनी गुन्हा दाखल केला आहे. महेशची प्रेयसी पगारिया ऑटोसमोर स्कुटी उभी करत असताना महेश तिच्याकडे आला. त्याने आधी तिचा मोबाइल फोडला. नंतर भररस्त्यात हात धरून जवळ ओढले. तू माझ्याशी संबंध ठेव, नाहीतर जीवे मारेल, अशी धमकी दिल्याचे तक्रारीत तरुणीने म्हटले आहे.
तरुणीला शरीरसुखाची मागणी…
इन्स्टाग्रामवर ओळख झालेल्या तरुणाने तरुणीच्या छायाचित्राला स्वतःच्या छायाचित्रासोबत जोडून ते अश्लीलरित्या तयार केले. नंतर हे छायाचित्र व्हायरल करण्याची धमकी देत शारीरिक सुखाची मागणी केली. यासाठी तिला कॉलवर शिवीगाळही केली. तरुणीने उस्मानपुरा पोलीस ठाण्यात तक्रार दिली. त्यावरून पोलिसांनी सबा. एलई३६ असे इन्स्टाग्राम आयडी असलेल्या नराधमाविरुद्ध गुन्हा दाखल केला आहे. त्याने तरुणीला व्हाॅट्स ॲपवर कॉल करून शारीरिक संबंध ठेवले नाहीतर फोटो व्हायरल करण्याची धमकी दिली. त्याने मॉर्फ केलेले छायाचित्र तरुणीच्या नातेवाइकांनाही पाठविल्याचे तक्रारीत म्हटले आहे.
.jpg)
