भरधाव कॅश व्हॅनने ५५ वर्षीय महिलेला चिरडले, हर्सूल सावंगीची घटना

By City News Desk

On 06 Nov 2024

भरधाव कॅश व्हॅनने ५५ वर्षीय महिलेला चिरडले, हर्सूल सावंगीची घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : एटीएम सेंटरच्या रोख रकमेची वाहतूक करणाऱ्या व्हॅनने दिलेल्या धडकेत ५५ वर्षीय महिलेचा मृत्‍यू झाल्याची दुर्दैवी घटना छत्रपती संभाजीनगरच्‍या हर्सूल सावंगीजवळ फुलंब्री-छत्रपती संभाजीनगर मार्गावर मंगळवारी (५ नोव्‍हेंबर) दुपारी साडेचारच्या सुमारास घडली. अलकाबाई भाऊसाहेब दहिहंडे (वय ५५, रा. सावंगी शिवार) असे मृत्‍यू झालेल्या महिलेचे नाव आहे. व्हॅन फुलंब्रीकडून छत्रपती संभाजीनगरकडे येत होती. […]

छत्रपती संभाजीनगर (सीएससीएन वृत्तसेवा) : एटीएम सेंटरच्या रोख रकमेची वाहतूक करणाऱ्या व्हॅनने दिलेल्या धडकेत ५५ वर्षीय महिलेचा मृत्‍यू झाल्याची दुर्दैवी घटना छत्रपती संभाजीनगरच्‍या हर्सूल सावंगीजवळ फुलंब्री-छत्रपती संभाजीनगर मार्गावर मंगळवारी (५ नोव्‍हेंबर) दुपारी साडेचारच्या सुमारास घडली. अलकाबाई भाऊसाहेब दहिहंडे (वय ५५, रा. सावंगी शिवार) असे मृत्‍यू झालेल्या महिलेचे नाव आहे.

व्हॅन फुलंब्रीकडून छत्रपती संभाजीनगरकडे येत होती. अलकाबाई फुलंब्री-छत्रपती संभाजीनगर रस्त्यावर रस्‍ता ओलांडण्यासाठी उभ्या होत्‍या. भरधाव व्हॅनने (क्र. एमएच १२ यूएम १३१५) त्‍यांना जोरात धडक दिली आणि अपघातानंतर व्हॅन पसार झाली. अलका रक्ताच्या थारोळ्यात कोसळल्‍या. त्‍यांना छत्रपती संभाजीनगरच्या घाटी रुग्णालयात दाखल केले असता डॉक्‍टरांनी तपासून मृत घोषित केले. बुधवारी त्‍यांच्या पार्थिवावर अंत्‍यसंस्कार करण्यात आले. व्हॅनचालकाविरुद्ध फुलंब्री पोलिसांनी गुन्हा दाखल करून व्हॅन पोलीस ठाण्यात जमा केली आहे. बुधवारी अलका यांच्यावर अंत्‍यसंस्कार करण्यात आले. अलका यांचे पती भाऊसाहेब व त्‍यांचे भाऊ भानुदास यांचे संपूर्ण कुटुंब एकत्र राहतात. त्‍यांचा शेती व दूध विक्रीचा व्यवसाय आहे. त्‍यांचे चुलते भानुदास व पुतण्या रामेश्वर यांचा विविध प्रकारच्या खिडक्‍या तयार करण्याचा व्यवसाय आहे. अलका यांची दोन मुले शिक्षण घेतात.