Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : मोबाइलसाठी चोरट्याने तरुणाला चालत्या रेल्वेतून खाली खेचल्याची धक्कादायक घटना शिवाजीनगर रेल्वे गेट परिसरात बुधवारी (२८ ऑगस्ट) सायंकाळी सहाच्या सुमारास घडली. तरुण रेल्वेतून पडून जखमी झाला तरी चोरट्याने मोबाइल हिसकावून पळ काढला. त्यामुळे चोरट्यांची क्रूरता किती वाढली आहे, हे समोर येत आहे. वैभव भारत वाडेकर (वय २३, रा. जयभवानी नगर, छत्रपती […]
छत्रपती संभाजीनगर (सीएससीएन वृत्तसेवा) : मोबाइलसाठी चोरट्याने तरुणाला चालत्या रेल्वेतून खाली खेचल्याची धक्कादायक घटना शिवाजीनगर रेल्वे गेट परिसरात बुधवारी (२८ ऑगस्ट) सायंकाळी सहाच्या सुमारास घडली. तरुण रेल्वेतून पडून जखमी झाला तरी चोरट्याने मोबाइल हिसकावून पळ काढला. त्यामुळे चोरट्यांची क्रूरता किती वाढली आहे, हे समोर येत आहे.
वैभव भारत वाडेकर (वय २३, रा. जयभवानी नगर, छत्रपती संभाजीनगर) असे जखमी तरुणाचे नाव आहे. त्याच्या हाताला गंभीर दुखापत झाली आहे. वैभव पॅसेंजर रेल्वेने मुख्य रेल्वेस्थानकातून मुकुंदवाडी रेल्वेस्थानकाकडे जात होता. शिवाजीनगर भुयारी मार्ग रेल्वे पुलाजवळ रेल्वेचा वेग कमी झाला. वैभव दरवाजात उभा राहून कॉलवर बोलत असताना पुलावर उभ्या तीनपैकी एका चोरट्याने उडी घेऊन त्याच्या हातातील मोबाइलवर झडप मारली.
वैभवने मोबाइल न सोडल्याने त्याने त्याचा हात धरून खाली ओढले. यात वैभव जखमी झाला. त्याही अवस्थेत चोरट्यांनी त्याच्या हातातील मोबाइल हिसकावून पळ काढला. वैभवने जवाहरनगर पोलीस ठाणे गाठून तक्रार दिली. त्यावरून पोलिसांनी चोरट्याविरुद्ध गुन्हा दाखल केला आहे. उस्मानपुरा, जवाहरनगर, मुकुंदवाडी, चिकलठाणा पोलीस ठाण्याच्या हद्दीत यापूर्वीही अशा अनेक घटना घडल्या आहेत. चोरटे मोबाइलसाठी प्रवाशांच्या जिवावर उठत आहेत.
.jpg)
