Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : जिल्हाधिकारी कार्यालयातील रजिस्ट्री कार्यालयात शुक्रवारी (३० ऑगस्ट) सायंकाळी रजिस्ट्रीच्या वादातून दोन गटांत शिवीगाळ आणि तुंबळ हाणामारी झाली. अर्धा तास ढिश्यूम ढिश्यूम सुरू होती. दोन्ही गटांनी एकमेकांचे कपडे फाडले. सिटी चौक पोलिसांना कळताच त्यांनी घटनास्थळी धाव घेतली. त्यानंतर हाणामारी थांबली. वृत्त लिहीपर्यंत या प्रकरणात गुन्हा दाखल नव्हता. खाबूगिरीत सराईत असलेल्या दस्ता […]
छत्रपती संभाजीनगर (सीएससीएन वृत्तसेवा) : जिल्हाधिकारी कार्यालयातील रजिस्ट्री कार्यालयात शुक्रवारी (३० ऑगस्ट) सायंकाळी रजिस्ट्रीच्या वादातून दोन गटांत शिवीगाळ आणि तुंबळ हाणामारी झाली. अर्धा तास ढिश्यूम ढिश्यूम सुरू होती. दोन्ही गटांनी एकमेकांचे कपडे फाडले. सिटी चौक पोलिसांना कळताच त्यांनी घटनास्थळी धाव घेतली. त्यानंतर हाणामारी थांबली. वृत्त लिहीपर्यंत या प्रकरणात गुन्हा दाखल नव्हता.
खाबूगिरीत सराईत असलेल्या दस्ता नोंदणी कार्यालयात एजंट आणि नागरिकांची कायम गर्दी असते. एजंटांमध्ये अक्षरशः स्पर्धा लागलेली असते. तीन दिवसांपासून दुय्यम निबंधक कार्यालय क्रमांक ५ मध्ये दस्त नोंदणीसाठी गर्दी होत असून, शुक्रवारी सायंकाळी दस्त नोंदणीवरून एजंटांमध्ये शाब्दिक वाद झाला. यात एकाने दुसऱ्याची कॉलर पकडून कार्यालयाबाहेर आणले.
नोंदणी विभागाच्या गेटवरच तिघांनी एकाला शिवीगाळ करीत बेदम मारहाण करण्यास सुरुवात केली. त्यामुळे मारहाण होत असलेल्याचे साथीदार धावून आले. दोन्ही गटांत तुंबळ हाणामारी सुरू झाली. तब्बल अर्धा तास राडा सुरू झाला. काहींनी भांडण सोडविण्याचा प्रयत्न केला. पण काही केल्या हाणामारी थांबत नव्हती. एकमेकांचे कपडे फाडण्यात आले. अखेर सिटी चौक पोलिसांना कार्यालयातून कळविण्यात आले. पोलीस येताच पळापळ सुरू झाली.
.jpg)
