Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (सीएससीएन वृत्तसेवा) : जिममध्ये व्यायाम करताना दुसरा बळी गेला आहे. जुलैमध्ये उस्मानपुरा येथील कंवलजितसिंग बग्गा (५४) यांचा जिममध्ये व्यायाम करताना मृत्यू झाल्यानंतर, तशीच घटना सातारा परिसरातही सोमवारी (२ सप्टेंबर) सकाळी साडेनऊच्या सुमारास घडली. जिममध्ये व्यायाम करताना ३२ वर्षीय सौरभ सतीश पालकर (रा. हायकोर्ट कॉलनी, सातारा परिसर) या युवकाचा हृदयविकाराच्या झटक्याने मृत्यू झाला आहे. […]
छत्रपती संभाजीनगर (सीएससीएन वृत्तसेवा) : जिममध्ये व्यायाम करताना दुसरा बळी गेला आहे. जुलैमध्ये उस्मानपुरा येथील कंवलजितसिंग बग्गा (५४) यांचा जिममध्ये व्यायाम करताना मृत्यू झाल्यानंतर, तशीच घटना सातारा परिसरातही सोमवारी (२ सप्टेंबर) सकाळी साडेनऊच्या सुमारास घडली. जिममध्ये व्यायाम करताना ३२ वर्षीय सौरभ सतीश पालकर (रा. हायकोर्ट कॉलनी, सातारा परिसर) या युवकाचा हृदयविकाराच्या झटक्याने मृत्यू झाला आहे.
सौरभ नेहमीप्रमाणे बीड बायपास परिसरातील एका जिममध्ये व्यायाम करण्यास गेला. व्यायाम करताना अचानक चक्कर येऊन कोसळला. त्याला तत्काळ घाटी रुग्णालयात दाखल करण्यात आले. मात्र डॉक्टरांनी सौरभला तपासून मृत घोषित केले. सौरभ आई-वडिलांना एकुलता एक मुलगा होता. सौरभच्या मृतदेहाची उत्तरीय तपासणी करण्यात आली असता हृदयातील रक्तवाहिन्यांत ८० टक्के ब्लॉकेज असल्याचे अहवालातून समोर आल्याने पोलीस सूत्रांनी सांगितले. यापूर्वीही २० जुलैला उस्मानपुऱ्यातील कंवलजितसिंग बग्गा (५४) या व्यावसायिकाचा अशाच पद्धतीने जिममध्ये व्यायाम करताना मृत्यू झाला होता.
.jpg)
