चहा करायला स्वयंपाक घरात गेलेल्या विवाहितेने घेतला गळफास!, पिसादेवीची धक्कादायक घटना

By City News Desk

On 03 Jul 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : पती आणि मुलगा हॉलमध्ये बसलेले असताना त्यांना चहा तयार करून आणते, असे सांगून स्वयंपाकघरात गेलेल्या ३७ वर्षीय कांचन देवीदास निकम यांनी गळफास घेऊन आत्महत्या केली. ही धक्कादायक घटना शहरातील पिसादेवी येथे मंगळवारी (२ जुलै) सायंकाळी घडली. मूळ आंबेडकर चौक परिसरात राहणाऱ्या कांचन यांचे कुटुंब सध्या पिसादेवी परिसरातील दोन खोल्यांच्या घरात […]

छत्रपती संभाजीनगर (सीएससीएन वृत्तसेवा) : पती आणि मुलगा हॉलमध्ये बसलेले असताना त्यांना चहा तयार करून आणते, असे सांगून स्वयंपाकघरात गेलेल्या ३७ वर्षीय कांचन देवीदास निकम यांनी गळफास घेऊन आत्महत्या केली. ही धक्कादायक घटना शहरातील पिसादेवी येथे मंगळवारी (२ जुलै) सायंकाळी घडली.

मूळ आंबेडकर चौक परिसरात राहणाऱ्या कांचन यांचे कुटुंब सध्या पिसादेवी परिसरातील दोन खोल्यांच्या घरात राहते. त्यांचे पती फर्निचर शोरूमध्ये नोकरीला आहेत. मुलगी विवाहित आहे. मंगळवारी त्यांचे पती, मुलगा समोरील खोलीत होते. सायंकाळी त्या चहा करण्यास स्वयंपाकघरात गेल्या. तेथे त्यांनी गळफास घेतला. १०-१५ मिनिटे झाली तरी पत्नी चहा घेऊन कशी आली नाही, हे पाहण्यासाठी पती स्वयंपाकघरात गेल्यावर हा प्रकार समोर आला. त्यांनी कांचन यांना घाटी रुग्णालयात दाखल केले. मात्र, तोपर्यंत त्यांचा मृत्यू झाला होता. चिकलठाणा पोलीस तपास करत आहेत. आत्महत्येचे कारण अद्याप समोर आलेले नाही.