Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : इंडिगो एअरलाइन्सचा गलथान कारभार दिवसेंदिवस वाढतच चालला असून, यामुळे प्रवाशांना मनस्तापाला सामोरे जावे लागत आहे. वारंवार वेळापत्रक विस्कळीत होत, तर कधी विमानच रद्द होत आहे. बुधवारी (२६ नोव्हेंबर) तर हद्दच झाली. रात्री मुंबईहून येणाऱ्या विमानाला ५ तासांहून अधिक विलंब झाला. यामुळे अनेकांनी प्रवास रद्द केला.
हे विमान सायंकाळी ७ वाजून ३५ मिनिटांनी मुंबईहून छत्रपती संभाजीनगरसाठी उड्डाण भरून रात्री पावणेनऊला येते. सव्वा नऊला ते परत मुंबईला रवाना होते. ते मध्यरात्री दीडला येणार असल्याचे प्रवाशांना सांगण्यात आले. या विमानाने मुंबईहून १३२ प्रवासी शहरात येणार होते, तर १६५ प्रवासी मुंबईला जाणार होते. येणाऱ्या आणि जाणाऱ्या दोन्हीकडील प्रवाशांचे हाल झाले. नवी दिल्ली येथून सायंकाळी ४ वाजून ५५ मिनिटांनी विमान उड्डाण भरते आणि सायंकाळी पावणेसातला येते. तेही १ तास उशिराने आले. या महिन्यात तब्बल ५ वेळा इंडिगोने विमान रद्द केले आहे. आज, २७ नोव्हेंबरला सकाळी ६ वाजून १० मिनिटांनी मुंबई विमान रद्द करण्यात आले. बुधवारी रात्री प्रवासी विमानतळावर ताटकळले होते. त्यांना डाळ खिचडी देण्यात आली, मात्र परदेशी पर्यटकांनी ते खाण्यास नकार दिला.
