छत्रपती संभाजीनगर (मेट्रोपोलिस पोस्ट वृत्तसेवा) : छत्रपती संभाजीनगर विमानतळाने "टॉप’ स्थान मिळवले आहे. देशातील सर्व विमानतळांना मागे टाकत खजुराहो, भोपाळ आणि छत्रपती संभाजीनगर विमानतळ यांना ५ पैकी ४.९९ रेटिंग मिळाले असून, हे तिन्ही विमानतळ पहिल्या स्थानी आले आहेत.
भारतीय विमानतळ प्राधिकरणाने देशभरातील ६२ विमानतळांवर ग्राहक कितपत समाधानी आहेत, सोयी सुविधा कशा आहेत, याबद्दल जुलै ते डिसेंबर या कालावधीत सर्व्हे केला. यात छत्रपती संभाजीनगर विमानतळ टॉपवर राहिले. विशेष म्हणजे, २०२४ मध्ये ४.८७ रेटिंग घेऊन १३ व्या स्थानी आलेले छत्रपती संभाजीनगर विमानतळ यंदा चक्क पहिल्या स्थानी पोहोचले. गेल्या जुलैमध्ये टॉप-१० मध्ये येत देशात ८ वा क्रमांक मिळवला होता. त्यानंतर टॉप टेनमध्ये येण्यासाठी आणखीनच प्रयत्न केल्याचे यातून दिसून येते. छत्रपती संभाजीनगर विमानतळावरून १०० विमाने उड्डाण घेऊन शकतात. मात्र क्षमतेच पुरेपूर वापर होत नाही. कामगिरीबद्दल विमानतळाचे संचालक शरद येवले म्हणाले, की टर्मिनल इमारतीतील स्वच्छतागृहांचे नूतनीकरण केले. पार्किंग क्षेत्रात ईव्ही चार्जिंग स्टेशनची सुरुवात केली आहे. लायब्ररी, लहान मुलांसाठी चाइल्ड प्ले एरिया तयार केला असून, प्रवासी हाताळण्याची क्षमता ८०० वरून २८५० पर्यंत वाढविली आहे.आणखी महत्त्वाच्या बातम्या
Latest News
12 Mar 2026 11:12:00
वैजापूर (मेट्रोपोलिस पोस्ट वृत्तसेवा) : भरधाव पिकअप वाहनाने दिलेल्या धडकेत २ वर्षीय चिमुकल्याचा मृत्यू झाला. ही घटना पुरणगाव (ता. वैजापूर)...
