Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : ३० वर्षीय विवाहितेवर तिच्या दोन भाच्यांनी लैंगिक अत्याचार केल्याचा धक्कादायक प्रकार सातारा परिसरातील देवळाई भागात समोर आल्याने खळबळ उडाली आहे. अत्याचार करणारा एक भाचा अल्पवयीन असून, दोघांच्या या कृत्यात तिचा पतीही सामील असल्याचा आरोप तक्रारीत करण्यात आला आहे. पीडितेने नवी मुंबई पोलिसांत तक्रार केली. मात्र घटना चिकलठाणा पोलीस ठाण्याच्या हद्दीत घडलेली असल्याने गुन्हा छत्रपती संभाजीनगरला वर्ग करण्यात आला आहे. ५ जुलै २०२४ ते १५ मे २०२५ या काळात वारंवार अत्याचार झाल्याचे तक्रारीत म्हटले आहे.
तक्रारीनुसार, मुलीच्या वाढदिवसानिमित्त पतीचे दोन भाचे घरी आले होते. आधी पतीने दारू पाजून विवाहितेसोबत शरीरसंबंध केले. नंतर दोन्ही भाच्यांनी लैंगिक अत्याचार केले. अल्पवयीन भाच्यासोबत शारीरिक संबंध ठेवत असताना तिचा व्हिडीओ बनविण्यात आला. त्यानंतर तो व्हिडीओ दाखवून तिघे तिला ब्लॅकमेल करत लैंगिक अत्याचार करत राहिले. आता या घटनेची तक्रार विवाहितेने नवी मुंबई पोलिसांत केली. घटना चिकलठाणा पोलीस ठाण्याच्या हद्दीतील असल्याने चिकलटाणा पोलिसांकडे गुन्हा वर्ग करण्यात आला आहे. विशेष म्हणजे, चिकलठाणा पोलीस ठाण्यातच सप्टेंबर महिन्यात याच विवाहितेविरुद्ध अल्पवयीन भाच्यासोबत शारीरिक संबंध ठेवल्याने ‘पोक्सो’चा गुन्हा दाखल आहे. ती अल्पवयीन भाच्यासोबत संबंध ठेवत असताना पतीने पाहिले आणि त्यानंतर अल्पवयीन भाच्याने चिकलठाणा पोलीस ठाण्यात तक्रार दिली होती. त्यानंतर आता विवाहितेने दोन्ही भाच्यांसह पतीविरुद्धही लैंगिक अत्याचाराची तक्रार केली आहे. या प्रकरणाचा अधिक तपास सहायक पोलीस निरीक्षक समाधान पवार करत आहेत.
