छत्रपती संभाजीनगर (मेट्रोपोलिस पोस्ट वृत्तसेवा) : मकरसंक्रांत जवळ आल्याने नायलॉन मांजामुळे होणाऱ्या दुर्घटना वाढल्या आहेत. विकृत व्यक्ती नायलॉन मांजा वापरून पतंग उडवत असल्याने अनेकांचे जीव धोक्यात येत आहेत. अचानक नायलॉन मांजा समोर आल्याने एचडीएफसी बँकेचा सेल्स ऑफीसर जखमी झाल्याची घटना आझाद चौकात घडली. जिन्सी पोलिसांनी पतंग उडविणाऱ्या अज्ञात व्यक्तीविरुद्ध मंगळवारी (१२ जानेवारी) गुन्हा दाखल केला आहे.
सतीश नामदेव वराडे (वय २४, रा. जिजाऊ चौक, धनवई मेडीकल जवळ, शैलेश हॉटेलशेजारी, जिन्सी, छत्रपती संभाजीनगर) यांनी या प्रकरणात तक्रार दिली आहे. ते एकटेच राहतात. मूळचे भोकरदन तालुक्यातील आहेत. ते आकाशवाणी चौकातील एचडीएफसी बँकेत सेल्स ऑफिसर आहेत. ३ जानेवारीला सायंकाळी साडेपाचच्या सुमारास ते मोटारसायकलीने आकाशवाणी येथून सेंट्रल नाक्याकडून टीव्ही सेंटरकडे जात असताना आझाद चौकात अचानक गळ्याभोवती पतंगाचा नायलॉन मांजा लागला. ते जाणवताच वराडे यांनी तो डाव्या हाताने रोखण्याचा प्रयत्न केला असता, मधले बोट कापले गेले. वराडे यांनी लगेचच आत्याच्या मुलाला तेथे बोलावून घेतले. त्याने वराडे यांना टीव्ही सेंटर येथील मानस हॉस्पिटलमध्ये नेले. उपचार घेतल्यानंत मंगळवारी (१२ जानेवारी) त्यांनी पतंग उडवणाऱ्याविरुद्ध जिन्सी पोलीस ठाण्यात तक्रार दिली. त्यावरून पोलिसांनी गुन्हा दाखल केला आहे. अधिक तपास पोलीस उपनिरीक्षक रविकिरण कदम करत आहेत.
.jpg)
.jpg)
1.jpg)
.jpg)
.jpg)
.jpg)
1.jpg)
