वरूडकाजीमध्ये चिकलठाणा पोलिसांची मोठी कामगिरी : गोवंशाची हत्या सुरू असतानाच छापा, दोघांना पकडले, दुसऱ्या ठिकाणावरून ३ गोवंश वाचवले!

By City News Desk

On 18 Mar 2026

वरूडकाजीमध्ये चिकलठाणा पोलिसांची मोठी कामगिरी : गोवंशाची हत्या सुरू असतानाच छापा, दोघांना पकडले, दुसऱ्या ठिकाणावरून ३ गोवंश वाचवले!

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : छत्रपती संभाजीनगर शहराजवळील वरूडकाजीमध्ये चिकलठाणा पोलिसांनी अवैध कत्तलखान्यावर मंगळवारी (१७ मार्च) भल्या पहाटे साडेपाचला छापा मारला. गोवंशाची हत्या करत असतानाच पोलीस धडकले, दोघांना रंगेहात पकडण्यात आले. १०० किलो गोमांस जप्त केले. कत्तलीसाठी वापरलेले साहित्यही जप्त केले. त्याचवेळी जवळच असलेल्या गंगापूर जहाँगीर शिवारातही ३ गोवंश कत्तलीसाठी बांधून ठेवल्याचे कळताच पोलिसांनी तिथेही धाव घेतली. ही जनावरे वाचविण्यात यश आले.

शेख अख्तर शेख फकीर (वय ४८), शेख जुबेर शेख युनूस (वय ३५, दोघे रा. कुरेशी मोहल्ला, वरूडकाजी, ता. छत्रपती संभाजीनगर) अशी गोमांस कापताना ताब्यात घेतलेल्यांची नावे आहेत. ते कुरेशी मोहल्ल्यातील पत्र्याच्या शेडमध्ये अवैध कत्तलखाना चालवत होते. गंगापूर जहाँगीर शिवारातील शेतात कत्तलीसाठी जनावरे बांधून ठेवणाऱ्या शेख फकीर शेख मोहम्मद कालू (वय ३४, रा. वरूडकाजी) याच्याविरुद्ध गुन्हा दाखल करण्यात आला आहे. त्याने पत्र्याच्या शेडमध्ये १ बैल, १ गाय आणि १ गोऱ्हा बांधून ठेवला होता. गोवंशांची सुटका करून गोशाळेत पाठविले आहेत.