Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
छत्रपती संभाजीनगर (मेट्रोपोलिस पोस्ट वृत्तसेवा) : छत्रपती संभाजीनगरमध्ये सध्या पैसे आणि वस्तू वाटप करून मते विकत घेण्याचे प्रयत्न धनदांडग्या उमेदवारांकडून सुरू आहेत. गल्लोगल्लीत सध्या या उमेदवारांचे प्रतिनिधी फिरत असून, त्यांच्यावर नियंत्रण ठेवण्यात प्रशासन पूर्णपणे अपयशी ठरले आहेत. अशा परिस्थितीत वंचित बहुजन आघाडीचे सर्वेसर्वा ॲड. बाळासाहेब आंबेडकर यांनी अफलातून पर्याय सूचवला आहे. १२ तारखेपासून मतदानासाठी पैसे मिळतील. ते पैसे तर घ्याच, त्याशिवाय गाडीत असलेले सर्व पैसे घेऊन पळा. पोलीस तुम्हाला काहीही करणार नाहीत. कारण जो तक्रार करायला जाईल तर त्याला पैसे कुठून आले हे सांगावे लागेल. कारण हे पैसे तुमच्या आमच्यासारख्यांकडून ओरबाडलेले आहेत. ते आपलेच पैसे आहेत. पैसा घेतला तरी मतदान आपल्याच माणसाला करा, असे आवाहन ॲड. बाळासाहेब आंबेडकर यांनी केले आहे.
महापालिका निवडणुकीच्या पार्श्वभूमीवर वंचित बहुजन आघाडीच्या उमेदवारांच्या प्रचारार्थ आमखास मैदानावर ॲड. आंबेडकर यांनी शनिवारी (१० जानेवारी) प्रचारसभा घेतली. सभेला राज्य सदस्य अमित भुईगळ, अफसर खान यांच्यासह सर्व ६० उमेदवारांची उपस्थिती होती. या वेळी अॅड. प्रकाश आंबेडकर म्हणाले, की वंचित बहुजन आघाडी ही धर्मनिरपेक्ष ताकद म्हणून उभी राहिली आहे. मुफ्ती, मौलवींनीही एमआयएमचा नाद सोडून भाजप आणि आरएसएसला रोखण्यासाठी धर्मनिरपेक्ष भूमिका घ्यावी, असे आवाहनही त्यांनी केले.
.jpg)
