छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : जुन्या कार्यकर्त्यांच्या भावनेकडे दुर्लक्ष करू नका, या केंद्रीय मंत्री नितीन गडकरी यांच्या इशाऱ्याकडे दुर्लक्ष करत एम. के. देशमुख यांना मंत्री अतुल सावे व आ. संजय केणेकर यांनी भाजपमध्ये प्रवेश मिळवून दिला आहे. ज्यांना विधानसभा निवडणुकीत काँग्रेस पक्षाने उमेदवारी देऊन काही निष्कर्ष समोर आल्यानंतर उमेदवारी परत घेतली होती. त्यांना शिक्षक मतदारसंघात भाजपचे उमेदवार म्हणून पुढे करण्यासाठी मंत्री सावे व आ. केणेकरांची घाई असल्याचे दिसून येत असल्याने शहरातील वरिष्ठ पदाधिकारी सध्या कमालीचे नाराज असल्याची चर्चा आहे.
सावे, केणेकरांचा निर्णय डॉ. भागवत कराड आणि शहराध्यक्ष किशोर शितोळे यांच्या पचनी पडला नसल्याचे दिसत आहे. गुरुवारी पत्रकारांशी बोलताना ‘मी कुणावरही नाराज नाही', असे डॉ. भागवत कराड म्हणाले. पण याचवेळी शितोळे यांनी मात्र नाराज असल्याचे जाहीर कसे सांगणार, असे पत्रकारांना सांगून एका अर्थाने देशमुख यांची पक्षातील एंट्री पटली नसल्याचे बोलून दाखवले. सावे आणि केणेकर देखील सध्या या विषयावर सारवासारव करत असून, देशमुखांना पक्षात घेताना उमेदवारीचे आश्वासन दिलेले नाही, असे सांगत ‘पदवीधर'च्या इच्छुकांची नाराजी वाढणार नाही, याची काळजी घेताना दिसत आहेत. शिक्षक मतदारसंघात भाजपने तीन वेळा ब्राह्मण उमेदवार दिला. मात्र तिन्ही वेळा पराभव झाला. यावेळी मराठा उमेदवाराला संधी देण्याची रणनिती पक्ष आखत असल्याची चर्चा आहे.
.jpg)
.jpg)
.jpg)
.jpg)
