Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post
जगभरातील लोकांना त्यांचे काम सुरळीतपणे पार पाडण्यासाठी किंवा मनोरंजन करण्यासाठी वेगवान इंटरनेटची आवश्यकता आहे. भारताचा शेजारी देश पाकिस्तानची स्थिती याबाबतीतही वाईट आहे. पाकिस्तानमध्ये इंटरनेट स्पीड इतका मंद आहे की ते कळल्यावर तुम्ही पोट धरून हसाल. पाकिस्तानमधील सर्वात वेगवान इंटरनेट Jazz (जाझ) टेलिकॉमद्वारे चालवले जाते. त्यानंतर ufone, zong आणि telenor (युफोन, झोंग आणि टेलिनॉर) सारख्या कंपन्या आहेत. पाकिस्तानमधील इंटरनेट स्पीड भारताच्या तुलनेत खूपच कमी आहे.
इंटरनेटचा वेग मोजणाऱ्या Ooklaच्या स्पीडटेस्ट इंटेलिजेंस अहवालाने प्रसिद्ध केले आहे, की जानेवारी ते जून २०२५ पर्यंत Jazz पाकिस्तानमधील सर्वात वेगवान नेटवर्क राहिले. त्याची सरासरी डाउनलोड गती 24.23 Mbps होती आणि अपलोड गती 9.13 Mbps होती. या बाबतीत, Jazz ने Zong ला मागे टाकले, ज्याचा डाउनलोड स्पीड २०.४३ एमबीपीएस आहे. भारताचा स्पीडटेस्ट इंटेलिजेंस रिपोर्ट (जानेवारी ते जून २०२५) अद्याप प्रसिद्ध झालेला नाही. तथापि, जुलै २०२४ ते आजवर भारताचा इंटरनेट स्पीड पाकिस्तानपेक्षा खूपच वेगवान राहिला आहे.
अहवालानुसार, जिओने भारतात सर्वात वेगवान स्पीड प्रदान केला, ज्याचा डाउनलोड स्पीड २५८.५४ एमबीपीएस आणि अपलोड स्पीड १४.५४ एमबीपीएस आहे. याचा अर्थ असा की भारतात इंटरनेटवरील डाउनलोड स्पीड पाकिस्तानपेक्षा १० पट जास्त आहे. भारतातील सर्वोत्तम इंटरनेट स्पीड राजस्थानची राजधानी जयपूरमध्ये आहे. जयपूरमधील डाउनलोड स्पीड १८१.६८ एमबीपीएस, तर अपलोड स्पीड १३.६३ एमबीपीएस आहे. जयपूरनंतर शीर्ष पाच शहरे कोलकाता, अहमदाबाद, सुरत आणि हैदराबाद आहेत. देशाची राजधानी दिल्ली इंटरनेट स्पीडच्या बाबतीत ७ व्या क्रमांकावर आहे. येथील डाउनलोड स्पीड १०८.१९ एमबीपीएस असून, अपलोड स्पीड ६.९५ एमबीपीएस आहे.
पाकध्ये कुठे सर्वात वेगवान इंटरनेट? फैसलाबादमध्ये पाकिस्तानमध्ये सर्वात वेगवान इंटरनेट स्पीड आहे. तेथील डाउनलोड स्पीड २४.४५ एमबीपीएस आहे, तर अपलोड स्पीड ८.६८ एमबीपीएस आहे. फैसलाबाद व्यतिरिक्त, टॉप स्पीड शहरांमध्ये लाहोर, मुलतान, गुजरांवाला आणि इस्लामाबाद यांचा समावेश आहे. राजधानी इस्लामाबाद १९.९३ एमबीपीएसच्या डाउनलोड स्पीड आणि ८.५३ एमबीपीएसच्या अपलोड स्पीडसह पाचव्या क्रमांकावर आहे.
