चोर घरात चोरी करत होते, नागरिकांनी बाहेर घराला घातला वेढा!; नक्षत्रवाडीतील घटना, चोप देतच केले पोलिसांच्या हवाली…

By City News Desk

On 06 Aug 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : बंद घरात चोरी करणे दोन चोरांच्या अंगलट आले. सतर्क शेजाऱ्यांनी दोघांना रंगेहात पकडून चांगलाच चोप देत पोलिसांच्या हवाली केले. नक्षत्रवाडीत सोमवारी (५ ऑगस्ट) पहाटे (मध्यरात्री) दोनच्या सुमारास ही घटना घडली. नईम शहा उस्मान शहा (रा. जटवाडा रोड) व प्रशांत काशीनाथ साबळे (रा. कच्ची घाटी) अशी पकडण्यात आलेल्या संशयित चोरट्यांची नावे […]

छत्रपती संभाजीनगर (सीएससीएन वृत्तसेवा) : बंद घरात चोरी करणे दोन चोरांच्या अंगलट आले. सतर्क शेजाऱ्यांनी दोघांना रंगेहात पकडून चांगलाच चोप देत पोलिसांच्या हवाली केले. नक्षत्रवाडीत सोमवारी (५ ऑगस्ट) पहाटे (मध्यरात्री) दोनच्या सुमारास ही घटना घडली.

नईम शहा उस्मान शहा (रा. जटवाडा रोड) व प्रशांत काशीनाथ साबळे (रा. कच्ची घाटी) अशी पकडण्यात आलेल्या संशयित चोरट्यांची नावे आहेत. नाथपुरम परिसरात चोर आल्याची कुणकुण लागली. श्रीकांत लाळे यांना दोन चोर दिसले. त्यांनी तत्काळ संजय टोणपे व अन्य रहिवाशांना कळवले. तोपर्यंत चोर शरद बावस्कर यांच्या घराचे कुलूप तोडून घरात घुसले होते. रहिवाशांनी एकत्र येऊन चोरांना आवाज जाणार नाही याची काळजी घेत घराला वेढा घातला. प्रशांत व नईम घरात निवांत मौल्यवान वस्तूंचा शोध घेत होते. जमावाला पाहून दोघांनी पळण्याचा प्रयत्न केला. मात्र, त्यांना नागरिकांनी पकडून चोपले. सातारा पोलिसांनी धाव घेत चोरांना अटक केली.