नवी दिल्ली (सीएससीएन वृत्तसेवा) : बलात्कार हा महिलांवरील सर्वात घृणास्पद गुन्ह्यांपैकी एक आहे. मात्र काही महिला या गुन्ह्याचा वापर एक शस्त्र म्हणून करत या गुन्ह्याच्या कायदेशीर तरतुदींचा वापर करून जोडीदाराच्या आयुष्याशी खेळतात, असे स्पष्ट मत व्यक्त करत दिल्ली उच्च न्यायालयाने एका पुरुषाविरुद्ध नोंदवलेला एफआयआर रद्द केला. प्रेयसीने दाखल केलेला बलात्काराचा गुन्हा रद्द करण्यासाठी एका व्यक्तीने दिल्ली उच्च न्यायालयात धाव घेतली होती. उच्च न्यायालयाने स्पष्ट केले, की एफआयआर कल्पनांवर आधारित आहे.
न्यायालयाने सांगितले की, मॅजिस्ट्रेटसमोर नोंदवलेल्या रेकॉर्डिंग, व्हॉट्सॲप चॅट्स आणि स्टेटमेंट्सने स्पष्टपणे हे सिद्ध केले की पुरुष आणि स्त्रीचे संमतीने शारीरिक संबंध होते आणि लग्नाच्या खोट्या आश्वासनावर तसे झाले नव्हते. न्यायमूर्ती चंद्र धारी सिंह म्हणाले, की ज्या तरतुदीनुसार एफआयआर दाखल करण्यात आला आहे, तो लैंगिक अत्याचार हा सर्वात भयंकर गुन्ह्यांपैकी एक आहे हे खरे आहे. मात्र हेदेखील एक सत्य आहे की काही महिला आपल्या पुरुष जोडीदाराला विनाकारण त्रास देण्यासाठी त्याचा शस्त्र म्हणून वापरत करतात. या कायद्याचा गैरवापर केल्यामुळे एका निरपराध व्यक्तीला कसा नाहक त्रास सहन करावा लागतो याचे हे एक अनोखे उदाहरण असल्याचे न्यायालयाने म्हटले आहे. या खटल्याची सुनावणी सुरू राहिली तरी या प्रकरणात काहीही हाती लागणार नाही, असे मतही न्यायालयाने व्यक्त केले. फिर्यादीने एफआयआर रद्द करण्याच्या याचिकेला विरोध केला होता आणि म्हटले होते, की याचिकाकर्त्यावर गंभीर आरोप आहेत आणि तक्रारीवरून स्पष्टपणे सिद्ध होते की त्याने महिलेवर लैंगिक अत्याचार केले.
.jpg)
.jpg)
.jpg)
