मराठा मावळा संघटनेचे क्रांती चौकात चक्‍क चक्क लोटांगण आंदोलन

By City News Desk

On 15 Aug 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : क्रांती चौकात मराठा मावळा संघटनेने मराठा समाजाला ओबीसीतून आरक्षण द्यावे, या मागणीसाठी बुधवारी (१४ ऑगस्ट) चक्क लोटांगण आंदोलन केले. सर्वपक्षीय नेत्यांच्या विरोधात आंदोलनकर्त्यांनी घोषणाबाजी केली. आंदोलनाचे नेतृत्त्व संघटनेचे संस्थापक अध्यक्ष प्रा. माणिकराव शिंदे यांनी केले. एकनाथ शिंदे, देवेंद्र फडणवीस, अजित पवार, शरद पवार, उद्धव ठाकरे, नाना पटोले यांचे पोस्टर हातात […]

छत्रपती संभाजीनगर (सीएससीएन वृत्तसेवा) : क्रांती चौकात मराठा मावळा संघटनेने मराठा समाजाला ओबीसीतून आरक्षण द्यावे, या मागणीसाठी बुधवारी (१४ ऑगस्ट) चक्क लोटांगण आंदोलन केले. सर्वपक्षीय नेत्यांच्या विरोधात आंदोलनकर्त्यांनी घोषणाबाजी केली.

आंदोलनाचे नेतृत्त्व संघटनेचे संस्थापक अध्यक्ष प्रा. माणिकराव शिंदे यांनी केले. एकनाथ शिंदे, देवेंद्र फडणवीस, अजित पवार, शरद पवार, उद्धव ठाकरे, नाना पटोले यांचे पोस्टर हातात घेऊन बुद्धी द्या, बुद्धी द्या महाराज यांना बुद्धी द्या, अशा घोषणा देण्यात आल्या. नंतर त्‍यांचे पोस्टर जमिनीवर आपटण्यात आले. सर्व पक्षांनी एकत्र येऊन समाजाला आरक्षण द्यावे अन्यथा आमची संघटना येणाऱ्या विधानसभा निवडणुकीत सर्व पक्षांना धडा शिकवेन, असा इशारा यावेळी देण्यात आला. आंदोलनात पंढरीनाथ गोडसे, भरत कदम, संगीता जाधव, गोपी निकम, संजय गायके, मनोज मुरदारे, सुनीता पाटील, प्राप्ती चव्हाण, जयश्री दाभाडे, विद्या मोहिते, शिवशंकर सगट, दीपक नारळे, सुयोग मिसाळ, संतोष कुशेकर, संजय काकडे यांच्यासह अन्य पदाधिकारी, कार्यकर्ते सहभागी झाले होते.