बौद्ध लेणी तिर्थक्षेत्र म्हणून होणार घोषित; उपमुख्यमंत्र्यांची ग्‍वाही

By City News Desk

On 06 Oct 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : बौद्ध लेणीला तीर्थक्षेत्र म्‍हणून लवकरच घोषित करू, अशी ग्‍वाही उपमुख्यमंत्री देवेंद्र फडणवीस यांनी दिली आहे. भाजपचे शहर जिल्हाध्यक्ष शिरीष बोराळकर यांनी आज, ६ ऑक्‍टोबरला श्री. फडणवीस यांच्याकडे त्‍यासंदर्भात निवेदन दिले. ही मागणी तत्‍काळ मान्य करत उपमुख्यमंत्र्यांनी लवकरच यासंदर्भात घोषणा केली जाईल, असे सांगितले. उद्या, ७ ऑक्‍टोबरला शहरात बौद्ध बांधवांचा मोर्चा […]

छत्रपती संभाजीनगर (सीएससीएन वृत्तसेवा) : बौद्ध लेणीला तीर्थक्षेत्र म्‍हणून लवकरच घोषित करू, अशी ग्‍वाही उपमुख्यमंत्री देवेंद्र फडणवीस यांनी दिली आहे. भाजपचे शहर जिल्हाध्यक्ष शिरीष बोराळकर यांनी आज, ६ ऑक्‍टोबरला श्री. फडणवीस यांच्याकडे त्‍यासंदर्भात निवेदन दिले. ही मागणी तत्‍काळ मान्य करत उपमुख्यमंत्र्यांनी लवकरच यासंदर्भात घोषणा केली जाईल, असे सांगितले. उद्या, ७ ऑक्‍टोबरला शहरात बौद्ध बांधवांचा मोर्चा असून, त्‍या पार्श्वभूमीवर उपमुख्यमंत्र्यांनी दिलेल्या ग्‍वाहीला महत्त्व आहे.

बोराळकर यांनी निवेदनात म्‍हटले आहे, की विद्यापीठ परिसरात अनेक ऐतिहासिक बौद्ध लेण्या असून या पावनभूमीवर भारतरत्न डॉ. बाबासाहेब आंबेडकर यांनीही वास्तव्य केले आहे. लेण्यांना भेट देण्यासाठी देश-विदेशातून बौद्ध उपासक-उपासिका येतात. दरवर्षी दसऱ्याला धम्मचक्र अनुप्रवर्तन दिनानिमित्त लेणी परिसराला यात्रेचे स्वरुप येते. त्यामुळे या धार्मिक स्थळाला तिर्थक्षेत्र म्हणून घोषित करावे, अशी मागणी निवेदनात केली आहे. त्यावर उपमुख्यमंत्री देवेंद्र फडणवीस यांनी याबाबत तत्काळ घोषणा करण्याची ग्‍वाही दिली. या वेळी खासदार भागवत कराड, मंत्री अतुल सावे, भाजप प्रदेश सरचिटणीस संजय केणेकर आदींची उपस्थिती होती.