पत्रकारांसमोरच सही करून एमआयएम जिल्हाध्यक्षाने दिला राजीनामा!

By City News Desk

On 12 Jul 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : एमआयएमचे जिल्हाध्यक्ष अब्दुल समीर साजिद बिल्डर यांनी गुरुवारी (११ जुलै) सायंकाळी पत्रकार परिषद घेऊन पदाचा राजीनामा देत असल्याची घोषणा केली. पराभूतांना उमेदवारी देण्याऐवजी आपल्याला उमेदवारी द्यावी, अशी अपेक्षा त्‍यांनी व्यक्‍त केली. लोकसभा निवडणुकीत पक्षाला दारुण पराभव स्वीकारावा लागल्यामुळे नैतिक जबाबदारी स्वीकारून राजीनामा देत असल्याचेही यावेळी सांगितले. पक्षाचे प्रमुख बॅरिस्टर असदुद्दीन […]

छत्रपती संभाजीनगर (सीएससीएन वृत्तसेवा) : एमआयएमचे जिल्हाध्यक्ष अब्दुल समीर साजिद बिल्डर यांनी गुरुवारी (११ जुलै) सायंकाळी पत्रकार परिषद घेऊन पदाचा राजीनामा देत असल्याची घोषणा केली. पराभूतांना उमेदवारी देण्याऐवजी आपल्याला उमेदवारी द्यावी, अशी अपेक्षा त्‍यांनी व्यक्‍त केली. लोकसभा निवडणुकीत पक्षाला दारुण पराभव स्वीकारावा लागल्यामुळे नैतिक जबाबदारी स्वीकारून राजीनामा देत असल्याचेही यावेळी सांगितले.

पक्षाचे प्रमुख बॅरिस्टर असदुद्दीन ओवेसी यांच्यावर माझा पूर्ण विश्वास आहे. ते मला उमेदवारी देतील, असे सांगून समीर म्हणाले, की पदाचा राजीनामा दिला असला तरी अन्य कोणत्याही पक्षात जाणार नाही. पक्षात राहून काम करणार आहे. आगामी विधानसभा निवडणुकीत पूर्व किंवा मध्य विधानसभा मतदारसंघातून पक्षाने मला उमेदवारी द्यावी, असे ते म्‍हणाले. पत्रकारांसमोरच त्‍यांनी राजीनामा पत्रावर सही करून पक्षाचे प्रदेशाध्यक्ष इम्तियाज जलील यांच्याकडे पाठविण्यात येत असल्याचे सांगितले. अन्य कुणाला उमेदवारी दिली तरी प्रामाणिकपणे काम करणारच आहे, असे ते म्‍हणाले. येत्‍या १३ व १४ जुलैला ओवेसी हे शहरात येत असताना त्‍याआधीच समीर यांनी दिलेल्या राजीनाम्यामुळे खळबळ उडाली आहे.