खैरेंचे राजकारण संपविण्याची खेळी मातोश्रीच्या आशीर्वादाने; आ. शिरसाट यांच्या आरोपाने खळबळ, खैरे म्‍हणाले, शिरसाट काहीही बोलतात…

By City News Desk

On 23 Sep 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : विधानसभा निवडणुकीच्या पार्श्वभूमीवर छत्रपती संभाजीनगर जिल्ह्याचा आढावा पक्ष प्रमुख उद्धव ठाकरे यांनी मातोश्रीवर शनिवारी घेतला. मात्र या बैठकीला माजी खासदार चंद्रकांत खैरे यांना बोलाविण्यात आले नव्हते. खैरे यांनी आ. अंबादास दानवे यांनीच आपल्याला बैठकीपासून दूर ठेवल्‍याचा आरोप केला. या वादात शिंदे गटाचे प्रवक्ते आ. संजय शिरसाट यांनी उडी घेत खैरेंचे […]

छत्रपती संभाजीनगर (सीएससीएन वृत्तसेवा) : विधानसभा निवडणुकीच्या पार्श्वभूमीवर छत्रपती संभाजीनगर जिल्ह्याचा आढावा पक्ष प्रमुख उद्धव ठाकरे यांनी मातोश्रीवर शनिवारी घेतला. मात्र या बैठकीला माजी खासदार चंद्रकांत खैरे यांना बोलाविण्यात आले नव्हते. खैरे यांनी आ. अंबादास दानवे यांनीच आपल्याला बैठकीपासून दूर ठेवल्‍याचा आरोप केला. या वादात शिंदे गटाचे प्रवक्ते आ. संजय शिरसाट यांनी उडी घेत खैरेंचे राजकारण संपविण्याच्या खेळीला मातोश्रीचा आशीर्वाद असल्याचा टोला लगावला आहे. त्‍यावर अंबादास दानवे आणि आमदार शिरसाट दोस्त असून, आ. शिरसाट काहीही बोलतात, असे प्रत्‍युत्तर खैरेंनी दिले.

आ. शिरसाट म्‍हणाले, की चंद्रकांत खैरेंनी निष्ठेने काम केले आहे. सध्या खैरेंचे राजकारण संपविण्याची खेळी मातोश्रीच्या आशीर्वादाशिवाय खेळली जाणे शक्‍य नाही. खैरे यांना मातोश्रीवर प्रवेश मिळत नाही हे दुर्दैव आहे, असे ते म्‍हणाले. खैरे यांनी आ. शिरसाट यांच्या वक्‍तव्‍याला प्रत्‍युत्तर देताना सांगितले, की मातोश्रीवरील बैठक अंबादास दानवेंनी आयोजित केली होती. त्या बैठकीला मला कशा बोलवतील. मातोश्रीवर माझी वेगळी बैठक होणार आहे. दानवे आणि आ. शिरसाट दोस्त आहेत. आ. शिरसाट काहीही बोलतात, असे खैरे म्‍हणाले.