आचारसंहितेचे उल्लंघन होत असल्याचे व्हिडीओतून कळत नाही, जलील यांच्या तक्रारीवर चौकशी समितीचा अहवाल

By City News Desk

On 18 Dec 2024

आचारसंहितेचे उल्लंघन होत असल्याचे व्हिडीओतून कळत नाही, जलील यांच्या तक्रारीवर चौकशी समितीचा अहवाल

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : विधानसभेच्या छत्रपती संभाजीनगर पूर्व मतदारसंघाच्या निवडणुकीत पराभूत झालेले एमआयएम उमेदवार इम्तियाज जलील यांनी सादर केलेल्या व्हिडीओतून आचारसंहितेचे उल्लंघन होते, असे स्पष्ट दिसून येत नसल्याचा अहवाल आचारसंहिता कक्षाचे प्रमुख तथा जिल्हा परिषद मुख्य कार्यकारी अधिकारी डॉ. विकास मीना यांनी जिल्हाधिकाऱ्यांना सादर केला आहे. विशेष म्हणजे या व्हिडीओची चौकशी करण्याची शिफारसही डॉ. […]

छत्रपती संभाजीनगर (सीएससीएन वृत्तसेवा) : विधानसभेच्या छत्रपती संभाजीनगर पूर्व मतदारसंघाच्या निवडणुकीत पराभूत झालेले एमआयएम उमेदवार इम्तियाज जलील यांनी सादर केलेल्या व्हिडीओतून आचारसंहितेचे उल्लंघन होते, असे स्पष्ट दिसून येत नसल्याचा अहवाल आचारसंहिता कक्षाचे प्रमुख तथा जिल्हा परिषद मुख्य कार्यकारी अधिकारी डॉ. विकास मीना यांनी जिल्हाधिकाऱ्यांना सादर केला आहे. विशेष म्हणजे या व्हिडीओची चौकशी करण्याची शिफारसही डॉ. मीना यांनी केली आहे.

मतदानाच्या दिवशी काही जण आधार कार्ड जमा करून पैसे वाटप करत असल्याचे तर काही ठिकाणी बोटाला शाई लावून मतदान बाद करत असल्याची तक्रार जलील यांनी आचारसंहिता कक्षाकडे केली होती. अप्पर जिल्हाधिकारी डॉ. अरविंद लोखंडे, गुन्हे विभागाचे उपायुक्त प्रशांत स्वामी आणि निवडणूक निर्णय अधिकारी चेतन गिरासे या तिघांची समिती स्थापन करून या तक्रारीची चौकशी करण्यात आली. समितीने अहवाल आचारसंहिता कक्षाचे प्रमुख डॉ. विकास मीना यांच्याकडे सोपविला. मीना यांच्या कक्षात जलील यांच्या उपस्थितीत सुनावणी घेण्यात आली. हा संयुक्त अहवाल नुकताच जिल्हाधिकारी दिलीप स्वामी यांच्याकडे सोपविण्यात आला.