मुलगी १६ ची, मुलगा २० चा, वऱ्हाडी जेवत असताना मंगल कार्यालयात धडकले पोलीस!, रोशन गेट भागातील घटना

By City News Desk

On 07 Dec 2025

मुलगी १६ ची, मुलगा २० चा, वऱ्हाडी जेवत असताना मंगल कार्यालयात धडकले पोलीस!, रोशन गेट भागातील घटना

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (मेट्रोपोलिस पोस्ट वृत्तसेवा) : १६ वर्षांची मुलगी आणि २० वर्षांचा मुलगा, दोघेही अल्पवयीन, मुलगी गरीब, मुलगा सधन कुटुंबातील... गरीबीमुळे मुलीचे कुटुंबीय लग्नासाठी तयार झाले होते. मात्र ही बाब पोलिसांना कळल्याने पोलिसांनी लग्नस्थळी येत लग्न थांबवले. शुक्रवारी (५ डिसेंबर) रात्री ८ वाजता जिन्सीतील रोशनगेट भागातील एका मंगल कार्यालयात अचानक दामिनी पथकाने धडक दिल्याने एकच गोंधळ उडाला होता.

१६ वर्षीय मुलगी दहावीत शिकते. तिचे वडील इलेक्ट्रिक कामे करतात. जिन्सीतील सधन कुटुंबातील मुलाचे स्थळ आल्याने त्यांनी लगेचच होकार दिला. मात्र मुलगाही अवघ्या २० वर्षांचा होता. लग्न ठरले. तारिख, ठिकाणही ठरले. मुहूर्तावर वऱ्हाडीही जमले. तळमजल्यावर जेवणाची पंगत बसली असताना पोलिसांना बालविवाहाबद्दल कळले. दामिनी पथकाच्या पोलीस उपनिरीक्षक कांचन मिरधे यांच्या सूचनेवरून पोलीस अंमलदार निर्मला निंभोरे, अंबिका दारूंटे, अमृता भोपळे, उषा सोनवणे, सोनाली निकम, सरिता कुंडारे, सुधाकर पवार यांचे पथक मंगल कार्यालयात दाखल झाले. पोलिसांना पाहून ३०० च्या आसपास आलेले पाहुणे अर्धे गायब झाले. नवऱ्या मुलालाही पळवून लावण्यात आले. मुला-मुलीचा जन्मतारखेचा दाखला, आधार कार्ड नातेवाइकांना मागितले असता त्यांनी ते देण्यास टाळटाळ केली. आम्ही फक्त साखरपुडा करत होतो, असा दावा सुरू केला. पोलिसांनी त्यांना वधू-वराच्या सर्व कागदपत्रांसह बालकल्याण समितीसमोर हजर राहण्याची नोटीस पोलिसांनी बजावली.