अशोक येरेकरांच्या मनमानीला अखेर चपराक, शासनाला फाट्यावर मारून परस्पर दिलेली वर्कऑर्डर रद्द!,CSCN च्या वृत्ताचा परिणाम

On
"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : सार्वजनिक बांधकाम विभागाच्या कार्यकारी अभियंता अशोक येरेकर यांच्या मनमानीला अखेर चपराक लगावण्यात आली आहे. येरेकर यांनी परस्पर दुसऱ्याच कंत्राटदाराला दिलेली प्रशासकीय संकुलाच्या बांधकामाची १२५ कोटींची वर्कऑर्डर मुख्य अभियंता श्रीनिवास कातकाडे यांच्या आदेशाने अधीक्षक अभियंता सुंदरदास भगत यांनी बुधवारी (५ डिसेंबर) रद्द केली. या प्रकरणात कार्यकारी अभियंता अशोक येरेकरसह लेखाधिकारी पिंटू […]

छत्रपती संभाजीनगर (सीएससीएन वृत्तसेवा) : सार्वजनिक बांधकाम विभागाच्या कार्यकारी अभियंता अशोक येरेकर यांच्या मनमानीला अखेर चपराक लगावण्यात आली आहे. येरेकर यांनी परस्पर दुसऱ्याच कंत्राटदाराला दिलेली प्रशासकीय संकुलाच्या बांधकामाची १२५ कोटींची वर्कऑर्डर मुख्य अभियंता श्रीनिवास कातकाडे यांच्या आदेशाने अधीक्षक अभियंता सुंदरदास भगत यांनी बुधवारी (५ डिसेंबर) रद्द केली. या प्रकरणात कार्यकारी अभियंता अशोक येरेकरसह लेखाधिकारी पिंटू कुमार, टेंडर क्लार्क जगदाळेंवर कारवाईचा प्रस्ताव चार्जशीटसह सा. बां. विभागाच्या सचिवांकडे यापूर्वीच पाठविण्यात आला आहे. छत्रपती संभाजीनगर सिटी न्‍यूजने या प्रकरणाचा पाठपुरावा केला होता. आता हे काम जागतिक बँक प्रकल्पाकडे वर्ग करण्याचे आदेश देण्यात आले आहेत.

काय आहे प्रकरण…
छत्रपती संभाजीनगर शहरातील विश्वासनगर, लेबर कॉलनी येथे प्रशासकीय संकुल उभारण्याच्या कामाचे कंत्राट एल-१ म्हणून पुण्यातील कंत्राटदाराला शासनाने दिलेले आहे. मात्र बँक गॅरंटी व अन्य कारणे पुढे करून सार्वजनिक बांधकाम विभागाचे कार्यकारी अभियंता अशोक येरेकर यांनी संकुलाची वर्कऑर्डर दुसऱ्याच कंत्राटदाराला (एल-२) परस्पद दिली. कंत्राटदार बदलण्यासाठी शासनाकडून अभिप्रायसुद्धा येरेकर यांनी घेतला नाही.

ही बाब लक्षात आल्यानंतर मुख्य अभियंता व अधीक्षक अभियंत्यांनी प्रशासकीय संकुलाचे काम जागतिक बँक प्रकल्प विभागाकडे वर्ग करण्याचे पत्र येरेकर यांना दिले होते. मात्र या पत्रालाही येरेकर यांनी केराची टोपली दाखवली व एल-२ कंत्राटदाराला वर्कऑर्डरही दिली. एल-१ निविदा अंतिम झालेली असताना आणि सक्षम अधिकारी मुख्य अभियंता असताना कार्यकारी अभियंत्यांनी २५ नोव्हेंबरला कोणत्या अधिकारात कंत्राटदार बदलून त्‍याला वर्कऑर्डरही दिली, असा सवाल गंगापूर चे आमदार प्रशांत बंब यांनी केला होता.

येरेकरांवर कारवाई होण्याची शक्‍यता…
शासनाने कंत्राटदार ठरवल्यानंतरही परस्पर वर्कऑर्डर दुसऱ्या कंत्राटदाराला दिल्याने कार्यकारी अभियंता येरेकर यांच्यावर आता शासन काय कारवाई करणार, याकडे सर्वांचे लक्ष लागले आहे. विशेष म्‍हणजे, येरेकरांच्या अधिकारातही हे प्रकरण नव्हते. तरीही त्‍यांनी ही उचापत कशासाठी केली, यामागे काय अर्थकारण झाले का, असा प्रश्नही निर्माण झाला आहे. त्‍यांनी वरिष्ठांनासुद्धा याची माहिती दिली नव्हती. या प्रकरणाची चौकशी लाचलुचपत प्रतिबंधक विभागाकडून होण्याची मागणी होत आहे.

आणखी महत्त्वाच्या बातम्या

छत्रपती संभाजीनगरात महिनाभरात आढळले ८ मृतदेह, ज्यांची ओळख पटली नाही, अशा अवस्थेत होते, की तुम्ही बघूही शकणार नाही...

Latest News

छत्रपती संभाजीनगरात महिनाभरात आढळले ८ मृतदेह, ज्यांची ओळख पटली नाही, अशा अवस्थेत होते, की तुम्ही बघूही शकणार नाही... छत्रपती संभाजीनगरात महिनाभरात आढळले ८ मृतदेह, ज्यांची ओळख पटली नाही, अशा अवस्थेत होते, की तुम्ही बघूही शकणार नाही...
छत्रपती संभाजीनगर (मेट्रोपोलिस पोस्ट वृत्तपत्राच्या सौजन्याने) : छत्रपती संभाजीनगर शहरात अनोळखी मृतदेह मिळून येण्याचे प्रमाण लक्षणीय ठरत आहे. १ ऑक्‍टोबरपासून...
सामाजिक कार्यकर्तीच्या फेसबुक पोस्टवर अश्लील शिवीगाळीचा भडीमार, पोलिसांनी २३ जणांविरुद्ध केला गुन्हा दाखल, छत्रपती संभाजीनगरातील प्रकार
लई हुशारी केली, पण शेवटी घडा भरलाच!; ‘कायद्या’चा गैरवापर करून लाखो रुपये उकळले, अखेर दुकलीला आता पडल्या बेड्या!!, छत्रपती संभाजीनगर ग्रामीण सायबर पोलिसांची कामगिरी, नक्की काय आहे स्टोरी वाचूया... 
मंजूरपुऱ्यातील ‘बॉस पब्लीक चॉईस’ रेडिमेड कपड्यांचे दुकान फोडले, चोरट्यांनी शर्ट-पँट नेले...
गोमटेश मार्केटमध्ये भल्ला चाट भंडारसमोर तरुणांमध्ये हाणामारी!
Copyright (c) Chhatrapati Sambhaji Nagar City News All Rights Reserved.
Powered By Vedanta Software