‘पठाण’नंतर सिद्धार्थ आनंद शाहरुख-सुहानाला घेऊन बनवतोय ‘किंग’

By City News Desk

On 24 Dec 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

शाहरुख खानच्या पठाण चित्रपटाचे दिग्दर्शन करणारा सिद्धार्थ आनंद त्याच्या पुढच्या चित्रपटात पुन्हा एकदा शाहरुखसोबत काम करणार आहे. २०२३ मध्ये, शाहरुख खानने बॉक्स ऑफिसवर इतिहास रचणारा YRF स्पाय युनिव्हर्स चित्रपट ‘पठाण’मध्ये पहिल्यांदाच दिग्दर्शक सिद्धार्थ आनंदसोबत काम केले. पठाणच्या २ वर्षांनंतर शाहरुख खान आणि सिद्धार्थ आनंद आता ‘किंग’च्या तयारीत व्यस्त आहेत. पिंकविलाच्या रिपोर्टनुसार, शाहरुख खान आणि सिद्धार्थ […]

शाहरुख खानच्या पठाण चित्रपटाचे दिग्दर्शन करणारा सिद्धार्थ आनंद त्याच्या पुढच्या चित्रपटात पुन्हा एकदा शाहरुखसोबत काम करणार आहे. २०२३ मध्ये, शाहरुख खानने बॉक्स ऑफिसवर इतिहास रचणारा YRF स्पाय युनिव्हर्स चित्रपट ‘पठाण’मध्ये पहिल्यांदाच दिग्दर्शक सिद्धार्थ आनंदसोबत काम केले. पठाणच्या २ वर्षांनंतर शाहरुख खान आणि सिद्धार्थ आनंद आता ‘किंग’च्या तयारीत व्यस्त आहेत.

पिंकविलाच्या रिपोर्टनुसार, शाहरुख खान आणि सिद्धार्थ आनंद ही हिंदी चित्रपटसृष्टीतील सर्वात मोठी जोडी बनली आहे आणि ते पुन्हा एकदा मोठ्या पडद्यावर जादू करण्यासाठी सज्ज झाले आहेत. या ॲक्शनपटाची तयारी गेल्या सहा महिन्यांपासून सुरू आहे. मार्च २०२५ मध्ये किंग रिलीज होणार असल्याचे सांगण्यात येत आहे. याआधी सुजॉय घोष या चित्रपटाचे दिग्दर्शन करणार असल्याचे बोलले जात होते आणि ही माहिती ‘किंग’चे संवाद लिहिणारे अब्बास टायरवाला यांनी दिली. ‘किंग’मध्ये शाहरुख खान मुख्य भूमिकेत आहे, तर सुहाना खान देखील महत्त्वाच्या भूमिकेत आहे. या चित्रपटात अभिषेक बच्चन खलनायकाच्या भूमिकेत दिसणार आहे. किंगच्या स्क्रिप्टमधील प्रत्येक अभिनेत्याचे पात्र उत्तम असल्याचे सांगण्यात येत आहे. सिद्धार्थ आनंद, सुरेश नायर आणि सागर पंड्या यांच्यासह सुजॉय घोष यांनी या चित्रपटाचे लेखन केले आहे. या चित्रपटासाठी जगभरात ॲक्शन सीन शूट करण्याची योजना आखली जात असल्याची माहिती आहे.